نادر شێخ ناسر :ئاخین

ئاخین

نالین و ئۆفینا تە ئاخین
ژبەری بوونا تەبوو ڕەڤین
تۆڤ بوونا تە بوو ب ئەڤین
ڕۆژ بوونا تە بوو ئۆمێد و گەشبین
نێزیك ل شنگالا خۆ ڤەگەرین

ئاخین
بشکۆڤکا شنگال
ژڕەهـ و ریشال
هالکشاندن
چیایێ شنگالا ڕەنگیین
رۆناهیا ڕۆژێ ل زەمین
ڕەنگێن ڤەبووی خەملین
جەما چلمێرا و شەرفەدین
بئاڵا ڕەش و ناڤێ الله وأكبر
ل شنگالا مە کرن تاری و شین
وجیرانێن بێ نان و خۆێ زڕین

ئاخین
ئاڤا کەرس و سۆلاخ چکاندن
هێژیرێن دێم قڕاندن
خفشێن غەزالا رەڤاندن
نێرگز و کولیلك وەشاندن
پەلاتینك و کۆتر فرین

ئاخین
بێخێر و گارە و مەتین
باسکێن خۆ ڤەکرن و گرین
ژبۆ سێویێن شنگالا برین
نە گازی نەهەوار
کۆنێن کەمپا لمە بوون وار
بساڵا بوهرین
کۆنێن مە ڕزین
ل شنگالا خۆ ڤەنەگەرین !

ئاخین
پەلاتینکا چەمێن زاخۆ
نێرگزا مێرگێن خابوری
ژدەست نەدا شرینیا خۆ
تەڤی جەفایا چەم مشکۆ
هەی هەڤاڵا بابێ خۆ

ئاخین
چ دل بوو گەیاند تە بکوژن؟
ژمرۆڤاتییێ دژن
نە مرۆڤن فکر هۆڤن
مینا داعش تیرۆرستن
خوین مێژن دژی ڕۆژن
یێن مینا تە بشکۆڤن !
ئازادن بێ گۆڤن
کوشتنا تە
دژی دلۆڤانیا خودا بوو
کوشتنا مرۆڤاتیا مرۆڤا بوو
دەردێ تە دەنگ ڤەدایە
بێگونەهیاتە هەتا هتایە
ل بەر دەستێ ئەزدایە
ب نالین و ئۆفین ئاخین!