نێزیكی 100فۆتۆیێن چیرۆكی ل سەر ئۆلا ئێزدیان وكارەساتا شنگالێ هەنە
تۆرا لالش یا راگەهاندنێ
فۆتۆگرافەرا كچائێزدی(منال بەرەكات)،نێزیكی 100فۆتۆیێن چیرۆكی ل سەرئۆلا ئێزدیان وكارەساتا شنگالێ وژیانا ئاوارەبوونێ هەنە و ئێش وئازارێن خەلكێ خۆ دگەهینتە جیهانێ.
گۆتژی پشتی خۆلەكا فۆتۆگرتنێ لناڤ كەمپا خانكێ ژلایێ مامۆستا فۆتۆگرافەر(شەیداحوسامی)ورێكخراوا( RDO) هاتیە ڤەكرن كوحكومەتا ئیتالیا یا پشتەڤان بوو تێدا پشكداربووم،پاش من دەست بكارێ وێنە وفۆتۆیان كرو ئەڤ خۆلە ژبۆ كۆمەكا كچێن ئێزدی یێن لناڤ كەمپێ داهاتبوو ڤەكرن هەتا كوبرێیا فۆتۆیان ئێش وئازارێن خەلكێ خۆ بگەهیننە جیهانێ و نێزیكی 100فۆتۆیێن چیرۆكی ل سەرئۆلا ئێزدیان وكارەساتا شنگالێ وژیانا ئاوارەبوونێ وێ هەنەو5 فۆتۆ ل وەلاتێ ئیتالیا هاتینە نیشاندان كو ل سەركچێن رزگاربوویی ژ دەستێن داعشێ ومالباتەكا هەژارا ئێزدی كو كورێ وان یێ نەخۆش بوو گورچیسكا خۆ ژدەست دابوو ورێ ورەسمێن ئۆلی بوون.
هەروەسا دیاركرژی سێ فۆتۆیێن من ل زانكۆیائەمریكی ل پارێزگەها سلێمانیێ ل سەر رێ ورەسمێن ئۆلا ئێزدی وچار ژی لكەلها هەولێرێ ل سەر رزگاربوویێن ژ دەستێ داعش و وێ مالباتا هەژار هاتنە نیشاندان،لێ هەتانۆكە ژی چ بۆ وی كورێ نەخۆش ومالباتێ نەهاتیە كرن ودێ یا بەردەوام بم ل سەركارێ خۆ بۆگەهاندنا ئازارێن خەلكێ.
تُتاح هذه الصورة أيضا في: کوردی
