تۆرا لالش
رۆژا ئێك شه‌مبوویێ ل رێكه‌فتی 1/6/2025ێ پرۆسه‌يا دابه‌شكرنا مینحەیا هەیڤا پێنج(ئایارێ) یا سەرۆكوەزیران رێزدار (مەسرور بارزانی) ل هۆلا لالش ئێك ل بنگه‌هێ لالش تایێ شاریا ل ده‌مژمێر 10:00سبێ هه‌تا دووی پشتی نیڤرۆ دێ ده‌ستپێكه‌ت.
ب بريارا رێزدار (مه‌سرور بارزانى)، سه‌رۆكێ حكومه‌تا هه‌رێما كوردستانێ پرۆژه‌يێ مينحه‌يا دارايى بۆ رزگاربوويێن ئێزدى ژ ده‌ستێن داعشێ هاتیه راگه‌هاندن.
پرۆژێ پشته‌ڤانى يا دارایی بۆ رزگاربوويان،وەك قۆناغا دەستپێكێ سێ هەزار و 575 كەس، ژ هەردوو ڕەگەزان و تەمەنێن جیاواز مفاداربوون، پرۆژە ژلایێ بنگەهێ لالش يێ ڕه‌وشه‌نبیری و كۆمەڵایەتی دئێته ب رێڤه‌برن،هەروەسا چه‌ند رزگاربوويى ژى دناڤا ئه‌ڤێ تيمێ دا به‌شدارن.
ئەڤە هه‌شته‌مین مەهە مینحەیا سەرۆک وەزیران رێزدار مەسرور بارزانی، بێ جوداهی، بۆ پتر ژ سێ هه‌زار و 500 وەلاتیێن ئێزدی تێتە دابەشکرن کو پشتی سالا 2014 ژ بن دەستێ داعشێ هاتینە ڕزگارکرن.
لدووڤ خشته‌يێ بۆ دابه‌شكرنێ هاتيه به‌لاڤكرن، دابەشکرنا مینحەیا سەرۆک وەزیران ل هەر چار تايێن بنگه‌هێ لالش، شێخان، شاریا، خانکێ و دێرەبوونێ بۆ ماوەیێ چەند ڕۆژان دێ بەردەوام دبت.
بریارا دانا ڤێ مینحەیێ ڤەدگەرت بۆ هه‌یڤا هه‌شت یا سالا بۆری ده‌ستپێكر کو حکومەتا هەرێما کوردستانێ مینحە بۆ سێ هه‌زار و 575 کەسێن ئێزدی دابین کر، ب تایبەتی ژی بۆ ئەوێن ژ دەستێ داعشێ هاتینە ڕزگارکرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.
تُتاح هذه الصورة أيضا في: کوردی
