تۆرا لالش
ل رێكه‌فتی 27/5/2025ێ، شانده‌كێ ڕاگرێن زانكۆیا دهۆكێ كو پێكدهاتن ژ هه‌ر ئێك ژ د.ابو عبیدە عبداللە ڕاگرێ کولیژا زمانان و د. محمد شکری ڕاگرێ کولیژا فیتەرنەری ل زانکۆیا دهۆک سه‌ره‌دانا بنگەهێ لالش یێ رەوشەنبیری وکۆمەلایەتی كرن و ب گه‌رمی ڤه ژ لایێ د.سه‌عید خودێدا جێگرێ سه‌رۆكێ ده‌سته‌یا بلندا بنگه‌هێ لالش و ئه‌سعد ره‌شید ئه‌ندامێ بنگه‌هێ لالش ڤه هاتنه پێشوازی كرن.
د.سه‌عید خودێدا خۆشحالیا خوه بۆ سه‌ره‌دانا وان ده‌ربری و به‌حسێ كار و چالاكیێن بنگه‌هێ لالش د بیاڤێن زانستی و ره‌وشه‌نبیری و هه‌ڤكاریا قوتابیان كر و هه‌روه‌سان هه‌ردوو ئالیان ره‌وشا قوتابیان و پاراستنا کەلتوورێ ئێزدییان و بەلاڤکرنا هزر و فەلسەفەیا وێ دناڤ نفشێن نوودا كر.
هێژایی گۆتنێ یه مژارێن گرێدایی ره‌وشا ئێزدیان و ڕۆلێ ڕه‌وشه‌نبیران هاتنه به‌حسكرن، و هه‌روه‌سان شاندێ ڕاگران ژ نێزیك ڤه هایداری كار و چالاكیێن بنگه‌هێ لالش بوون و رۆلێ بنگه‌هێ لالش د ره‌وشه‌نبیریا كوردی دا بلند نرخاندن.
هه‌روه‌سان هه‌ردوو ئالیان گه‌نگه‌شه ل سه‌ر ره‌وشا ده‌ڤه‌رێ كرن و ل داوییێ، هەر دوو هه‌ڤرابوون ل سەر درێژەدانا ڤان جۆرە هەڤدیتنان و زێدەکرنا هەڤکاریێ دناڤبەرا زانكۆیێ و دەستەیا بلندا بنگەهێ لالش دا ئه‌وژی ژ پێخه‌مه‌ت بەرژەوەندییا گشتییا كوردستانێ و جڤاکا ئێزدی.
تُتاح هذه الصورة أيضا في: کوردی
