تۆرا لالش
ئیرۆ ل رێكه‌فتی 19/4/2025ێ، شێوه‌كارێ گه‌نج یێ ئێزدی قاسم شه‌رقی سه‌ره‌دانا باره‌گایێ گشتی یێ بنگه‌هێ لالش ل دهۆكێ كر و ژلایێ سه‌عید جردۆ سه‌رۆكێ بنگه‌هێ لالش و خێری ابراهیم كورۆ ئه‌ندامێ بنگه‌هێ لالش ب گه‌رمی هاته پێشوازی كرن.
ناڤهاتی خۆشحالیا خوه بۆ ڤێ سه‌ره‌دانێ دادیاركرن، و هه‌روه‌سان به‌حسێ كار و چالاكیێن خوه یێن شێوه‌كاری ل وه‌لاتێ ئه‌لمانیا كر و دیاركر ئه‌ز گه‌له‌ك گرنگیێ د ده‌مه وان بویه‌رێن ل سالا 2014ێ ب سه‌رێ ملله‌تێ مه دا هاتی و پشكه‌كا كارێن من ده‌ربرینێ ژ فرمانێن ئێزدیان دكه‌ن.
سه‌عید جردۆ سه‌رۆكێ بنگه‌هێ لالش خۆشحالیا بنگه‌هێ لالش بۆ سه‌ره‌دانا شێوه‌كارێ ئێزدی ده‌ربری و دیاركر ئه‌م پشته‌ڤانێن گه‌نجاینه و ب رێیا هونه‌ری د شیاندایه په‌یاما كۆمكووژییا ئێزدیان بگه‌هته جیهانێ و ئه‌ز ده‌ستخۆشیێ ل گه‌نجێ ژێهاتێ قاسم شه‌رقی دكه‌م كو كارێن وی ده‌ربرینێ ژ ره‌وشا ئێزدیان دكه‌ت.
شێوه‌كارێ ئێزدی ئەندامە ل سەندیکا هونەرمەندێن وەلاتێ ئەلمانیا و ب ئەفرێنەرانە و ب شێوازێ سوریالی کەڤالێن خوە یێن رەنگین دنەخشینێ.
ل داویێ هەر دوو ئالیان تەئکید ل سەر گرنگییا پاراستنا کەلتوورێ ئێزدیان و پێشڤەبرنا وێ ب رێیا كارێن شێوه‌كاری و مژارێن پەیوەندیدار ب پێشەرۆژا جڤاکا ئێزدی و ڕۆلێ هونه‌رمه‌ندان نه‌خاسمه شێوه‌كاران دناڤ دا باس کرن و پشته‌ڤانییا خوه بۆ هه‌ڤدوو دووپاتكرن.
تُتاح هذه الصورة أيضا في: کوردی
