بنگه‌هێ لالش تايێ به‌حزانێ مێهڤانداريا به‌ربژێر”رفعه‌ت سمو” دكه‌ت
تۆڕا لالش:
به‌رده‌واميدان ل سه‌ر به‌رنامه و پلانا بنگه‌هێ لالش تايێ به‌حزانێ بۆ پشته‌ڤانيكرنا ليستا 197يا پارتى ديموكراتى كوردستان بۆ هه‌لبژارتنێن جڤاتا پارێزگه‌ها مووسل،ئيرۆ چارشه‌مبوويێ 22چريا دووێ 2023،بنگه‌هێ لالش مێهڤانداريا به‌ربژێر “رفعه‌ت سمو” هاريكاريێ پارێزگارێ نه‌ينه‌وا بۆ كاروبارێن كارگێرى كر.
ل ده‌ستپێكا ڕوونشتنێ كو جه‌ماوه‌ره‌كێ زۆر ژ زه‌لامێن ئۆلى و ڕيهسپى و ڕه‌وشه‌نبير و ڕێڤه‌به‌رێن فه‌رمانگه‌هێن حكومى و هه‌ڤال و دۆستێن بنگه‌هى به‌رهه‌ڤبوون،به‌رپرسێ بنگه‌هێ لالش” ره‌عه‌د تارق” دپه‌يڤا خۆ دا دياركر كو ل 18ى هه‌يڤا داهاتى مه ژڤانه دگه‌ل هه‌لبژارتنێن جڤاتێن پارێزگه‌هان و وه‌ك بنگه‌هێ لالش مه به‌رنامه بۆ پشته‌ڤانيكرنا به‌ربژێرێن پارتى ديموكراتى كوردستان دانايه،ئاماژه‌كر ژى كو پارتى ديموكراتى كوردستان دێ فاكته‌ره‌كێ بهێز بت بۆ هه‌موويان ئه‌و ژى دحكومه‌تا ناڤخۆ يا داهاتى دا و دێ پارێزگه‌هێ به‌ره‌ف پێشڤه‌چوون و گه‌شه‌كرنێ به‌ت.
ژئاليێ خۆ ڤه به‌ربژێر رفعه‌ت سمو ل سه‌ر ليستا 197يا پارتى كورتيه‌ك ل سه‌ر به‌رنامێ خۆ يێ هه‌لبژارتنان و پلانا وى يا داهاتى و ڕۆلێ پارتى ل پارێزگه‌ها نه‌ينه‌وا پێشكێشكر.
هه‌روه‌سا ده‌رگه‌هێ گه‌نگه‌شێ هاته ڤه‌كرن و ئاماده‌بوويان چه‌ندين پێشنيا پێشكێشكرن و به‌ربژێرى به‌رسڤ ل سه‌ر هه‌موويان دان.
تُتاح هذه الصورة أيضا في: کوردی
