ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌حما خه‌لیل: ناڤێن گه‌را ئێكێ ژ پولیسێن رێكکه‌فتنا شنگالێ بۆ ده‌ستپێكرنا مه‌شق وراهێنانان هاتنه‌ گازیكرن

مه‌حما خه‌لیل: ناڤێن گه‌را ئێكێ ژ پۆلیسێن رێكکه‌فتنا شنگالێ بۆ ده‌ستپێكرنا مه‌شق وراهێنانان هاتنه‌ گازیكرن

باسنيوز:

په‌رله‌مانتار ، مه‌حما خه‌لیل، دیاركر، ناڤێن گه‌را ئێكێ ژ پۆلیسێن رێكه‌فتنا شنگالێ دناڤبه‌را حكومه‌تا هه‌رێما كوردستانێ وعێراقى دا بۆ ده‌ستپێكرنا مه‌شق وراهێنانان هاتنه‌ گازیكرن بۆ ده‌مێ هه‌یڤه‌كێ دێ مه‌شق وراهینان ئه‌نجامده‌ن دووفدا دێ چنه‌ شنگالێ ده‌ستبكارێ خۆ كه‌ن وپیتڤێ یه‌ گرۆپێن نه‌شه‌رعى شنگالێ چوول بكه‌ن “.

مه‌حما خه‌لیل، په‌رله‌مانتارێ پارتى دیموكراتى كوردستان ل جڤاتا نوونه‌رێن عێراقى چاڤپێكه‌ڤتنه‌كیدا بۆ (باسنیوز) راگه‌هاند، پشتى گه‌له‌ك هه‌ول وبزاڤ هاتینه‌ كرن ژلایێ مه‌ڤه‌ وه‌كو په‌رله‌منارێن پارتى ل به‌غدا چه‌ندێن جارا ئه‌م دگه‌ل وه‌زێرى نافخۆیێ عێراقى كۆمبووین ل سه‌ر بابه‌تى بجهئێنانا خالا دامه‌زراندنا دوو هزار و500 پۆلیسان بۆ پاراستنا ره‌وشا شنگالێ وحكومه‌تا عێراقى ناڤ بۆدجه‌یا خۆدا رازیبوون ل سه‌ر هزار و500 پۆلیسان كر ژوانا ژى نوكه‌ 500 پۆلیس دێ ده‌ست ب مه‌شق وراهێنانان كه‌ن ل پارێزگه‌ها نه‌ینه‌وا وپشتى ژ مه‌شق وراهێنانان دووماهى دهین دێ شنگالێ ده‌ستبكارێ خۆ كه‌ن “.

مه‌حما خه‌لیل، گۆت: نوكه‌ ناڤێن گه‌را ئێكێَ ژپۆلیسێن رێكه‌فتنا شنگالێ هاتنه‌ گازێكرن پشتى گه‌را ئێكێ ژ مه‌شق وراهینانان بۆ ده‌مێ هه‌یڤه‌كێ ئه‌نجام ده‌ن ودووماهیى دهین دێ گه‌را دوویێ و گه‌را سێ ژى ژ پۆلیسێن شنگالێ هێنه‌ گازێكرن هه‌مى دێ بنه‌ هزار و 500 پۆلیس وپشتى هه‌مێ دێ هێنه‌ مه‌شقدان دێ ئه‌ركێ پاراستنا شنگالێ وه‌رگرن “.

ته‌كه‌ز كر، دووف رێكه‌فتنا دناڤبه‌را حكومه‌تا هه‌رێما كوردستانێ و عێراقى دا پێتڤى یه‌ دوو هزار و 500 پۆلیس ژخه‌لكێ شنگالێ بهێنه‌ دامه‌زراندن لێ به‌غدا رازه‌مه‌ندى ل سه‌ر هزار و 500 پۆلیسان كریه‌ ئه‌م كاردكه‌ین دگه‌ل حكومه‌تا عێراقى بۆ دامه‌زراندنا هزار پۆلیس مایێن ژى گه‌له‌ك جاران به‌غدا سوز دایه‌ هه‌ڤكاربن پیتڤى یه‌ دوو هزار و 500 پۆلیس بهێنه‌ دامه‌زراندن بو پاراستنا ره‌وشا شنگالێ ئه‌ڤه‌ هه‌مى ژى دىچ خه‌لكێ شنگالێ بن”.

زێده‌تر گۆت، حكومه‌تا هه‌رێما كوردستانێ یا رژده‌ ل سه‌ر بجهئێنانا ریكه‌فتنا شنگالێ چوو به‌دیلێن دێ بۆ رێكه‌فتنا شنگالێ نینن و پیتڤیى یه‌ رێكه‌فتنا شنگالێ وه‌كو خۆ بجه بهێت هه‌مێ خالێن رێكه‌فتنا شنگالێ د به‌رژوه‌ندیا خه‌لكێ دانه‌ ژوانا ژى ئێدارا شنگالێ بزڤرته‌ شنگالێ و گرۆپێن نه‌شه‌رعی شنگالێ چوول بكه‌ن و پۆلیس ژ خه‌لكێ شنگالێ بهێنه‌ دامه‌زراندن و خه‌لكێ زه‌رمه‌ند بهێته‌ قه‌ره‌بووكرن و ئاواره‌ بزڤرنه‌ شنگالێ”.

مه‌حما خه‌لیل، ئاشكرا كر، خه‌لكێ شنگالێ تووشى جینوسایدێ بوویه‌ پێتڤى هه‌ڤكاریێ و ئاڤه‌دانیى یه‌ ئه‌م ل به‌غدا هه‌مێ هه‌ولا ده‌ن خزمه‌تا خه‌لكێ خۆ یێ شنگالێ بكه‌ن هه‌تا نوكه‌ مه‌ شیایه‌ چه‌ندین رازه‌مه‌ندیا بۆچێكرنا پرۆژان وئاڤه‌دانیا شنگالێ ده‌ستڤه‌بینن ئه‌م به‌رده‌وامن ل سه‌ر خزمه‌تكرنا خه‌لكێ خۆ مه‌شیایه‌ رازه‌مه‌ندى بۆ ئاڤاكرنا نه‌خۆشخانا وبنگه‌هێن ساخله‌مى و ئاڤاكرنا قوتابخانه‌یان وچێكرنا پرۆژه‌یێن كاره‌بێ و ئاڤى و چاندنێ بۆ خه‌لكێ شنگال ده‌ستڤه‌بینن وهیڤدارێن گرۆپێن نه‌شه‌رعى شنگالێ چوول بكه‌ن داكو پتر خزمه‌تا خه‌لكێ بهێته‌ كرن وئاواره‌ ڤه‌گه‌رن”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi