ته‌مموز 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش پشكداريێ دکۆنفرانسەکێ زانستى ل دۆر پەیمانا لوزان دكه‌ت

بنگه‌هێ لالش پشكداريێ دکۆنفرانسەکێ زانستى ل دۆر پەیمانا لوزان دكه‌ت

تۆرا لالش:

ئيرۆ سبێ رۆژا چارشەمبوويێ 4ی چریا ئێکێ 2023ێ، ل هۆلا کونفرانسان ل زانکۆیا دهۆکێ ب ئامادەبوونا بەرێزان “د.عەلى تەتەر” پارێزگارێ دهۆکێ، چەندین بەرپرسێن حزبى و ئیدارى و ئەکادیمى ژهەرێما کوردستانێ و ئیراقێ و بریتانیا و ئوردن و ترکیا و جهێن دى و ب پشكداريا بنگه‌هێ لالش ل دهۆكێ،کونفرانسەکێ زانستى ل دور سەد سالیا پەیمانا لوزان هاتە سازکرن.

ل بەراهیێ سەرۆکێ زانکویا دهۆکێ دپەیڤەکێدا ب خێرهاتنا پشکداران کر ودەستخوشى ل رێکخەرێن کونفرانسى کر وهیڤى یا سەرکەفتنێ بۆ کۆنفرانسى خواست.

پاش د.عەلى تەتەر پارێزگارێ دهۆکێ بناڤێ کارگێریا پارێزگەهێ بخێر هاتنا هەموو مێهڤانا کر ورونکرن دانە سەر کاریگەریا رێکەفتنێن سیڤەر ولوزان وئەو نەحەقیا هەمبەر مللەتێ کورد هاتیە کرن کو هەتا نوکە مللەتێ کورد ب ماف وئازادى وسەربخویا خۆ شاد نەبویە و هیڤى خاستن ئەنجامێن باش ژکۆنفرانسى دەرکەڤن وناڤەرۆکا پەیمانێ وئەو غەدرا ل خەلکێ کوردستانێ هاتیە کرن بو بەرەبابێن نوو بێتە دیارکرن وهیڤى یا سەرکەفتنێ بۆ کونفرانسى خواست.
هەروەسا پەیڤا لیژنا بلند یا کۆنفرانسى هاتە خووندن وفلمەکێ دیکیۆمەنتارى ل دۆر پەیمانا لوزان هاتە بەرچاڤکرن.
ل دووڤدا پەنەلێ ئێکێ یێ کۆنفراسى دەست پێکر و(5) پەنەلیستا بابەت وڤەکۆلینێن خۆ یێن زانستى پێشکێشکرن ودان وستاندن ل سەر هەر بابەتەکى هاتنە کرن.
هەژى گۆتنێ یە ئەڤ کۆنفرانسە ژلایێ زانکۆیا دهۆک وب هەڤکارى دگەل زانکۆیا زاخۆ ودەستەیا کوردستان بۆ ڤەکۆلینێن ستراتیجى وزانستى ل سلێمانیێ هاتیە رێکخستن ودوو رۆژا دێ یێ بەردەوام بت وبریارە پتر ژ(25) ڤەکۆلین وبابەتێن زانستى ل دۆر پەیمانا لوزان بێنە پێشکێشکرن.
 

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi