شوبات 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەست ب بەرهەڤیێن پارێزگەهبوونا شنگال دئێنە كرن

دەست ب بەرهەڤیێن پارێزگەهبوونا شنگال دئێنە كرن

ئه‌ڤرۆ نيوز:

مەحما خەلیل، ئەندامێ‌ جڤاتا نوونەرێن عیراقێ‌ دیاركر، دەست ب بەرهەڤیێن پارێزگەهبوونا شنگال دهێنە كرن و دێ‌ شنگال بیتە پارێزگەهەكا كوردستانێ‌ و ب پشتەڤانیا پەرلەمانتارێن پارتی ل عیراقێ‌ كار بۆ ئاڤەدانیا شنگال دهێتە كرن «.

مەحما خەلیل، ئەندامێ‌ جڤاتا نوونەرێن عیراقێ‌ راگەهاند، بەرنامێ‌ ئاڤەدانیا شنگال هاتیە دانان هەتا نوكە پشتەڤانیا پەرلەمانتارین پارتی دیموكراتی كوردستان ل پەرلەمانێ‌ عیراقێ‌ مە شیا رازەمەندیا ئەنجامدانا هژمارەكا زۆر پرۆژەیێن خزمەتگوزارێ‌ بۆ شنگال وەربگرن د وارێ‌ ساخلەمیێ‌ و پەروەردا و شارەوانیی و ئاڤێ‌ و كارەبێ‌ دێ‌ زانكۆیەك ژی ل شنگال هێتە ڤەكرن، نوكە دەست ب پرۆژەیێن جادەیان هاتیە كرن و بەرهەڤی یێ‌ دهێنە كرن شنگال ببیتە پارێزگەه».
ئاشكەرا كر، گرۆپێن نەشەرعیێ‌ پێدڤیە شنگال چوول بكەن، دەمێ‌ هاتیە شنگال بهێتە ئاڤەدانكرن نوكە ئەم یێ‌ دگەل هەمی سازیێن عیراقێ‌ ب ریێا پەرلەمانێ‌ كاردكەین شنگال خۆش بیت دا كو ئاوارە بشێن ڤەگەرن».
ل سالا 2014ێ‌ تیرۆرستێن داعش هێرشی سەر شنگال كر، د ئەنجامدا هەموو ئێزدی ئاوارە بوون و ل دووڤ ئامارا نڤیسینگەها رزگاركرنا رەڤاندیێن ئێزدی پتر ژ شەش هزار و 400 كچ و ژن و زارۆیێن ئێزدی هاتنە دەستەسەركرن و رەڤاندن ژلایێ‌ داعش ڤە هەتا نوكە چارەنڤیسێ‌ دوو هزار و پتری 800 كەسان دیارنینە، پینچ هزار كەسێن ئێزدی هەتا نوكە ژ ئەگەرێ‌ جینۆسایدا شنگال شەهید بووینە و دوو هزار و745 كەس بووینە ئێتیم و پتر ژ سێ‌ هزار و 570 كەسێن ئێزدی ژ هەردوو رەگەزان ژبن دەستێن تیرۆرستێن داعش رزگاربووینە و هەتا نوكە ژی خەلكێ‌ شنگال ئاوارانە ژ ئەگەرێ‌ هەبوونا گرۆپێن نەشەرعی و نەبوونا خزمەتگوزاریان نەشیاینە ڤەگەرنە شنگال.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi