په‌ياما بنگه‌هێ لالش د يادا سالڤەگەڕا پرۆسا ئەنفالا بەهدینان دا
ل سالڤەگەڕا پرۆسا ئەنفالا بەهدینان،ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى پەیامەك به‌لاڤكر،ئەڤە ژی دەقێ پەیامێ:
ئەنفالێن به‌هدینان ل 25ى ته‌باخا 1988ێ مەزنترین کارەساتە د دیرۆکا دەڤەرامە دا ژ زنجیرا تاوانێن ڕژێما بەعسا گۆڕبەگوڕ ڤە دژی خەلکێ کوردستانێ و بزاڤا ئازادیخوازا گەلێ کورد ھاتییە كرن.
به‌ریا 35سالا ل ڕۆژا 25ته‌باخا1988 ئه‌نفالا به‌هدینان ده‌ستپێكر قۆناغا هه‌شتێ ئه‌و ژى پشتى هه‌فت قۆناغێن دژوار و گران و ب چه‌كێ قه‌ده‌غه‌كرى دژى خه‌لكێ سڤیل ل ناوچێن ئازاد و سه‌ربه‌ست بكارئینایى و هه‌موو چه‌كێ گران و هێزا خۆ یا شكه‌ستى ل شه‌رێ ئیرانێ ئینانه سه‌ر كوردستانێ قۆناغ بۆ قۆناغێ هه‌تا گه‌هشتن به‌هدینان و قۆناغا هه‌شتێ ده‌ستپێكر ل (11) ده‌روكا هێرش كرن ل ده‌ستپێكێ كێمیا و ده‌رمانێ غه‌رده‌لێ هاڤێتن ناڤ چیا و دۆلێن خه‌لكێ سڤیل لێ هه‌ى و فه‌توه دان و ئه‌نفالێ ده‌ستپێكر.
ژ ئەنجامێ بەرھنگاریکرنا ڕژێمێن شوفینست دوژمنێن گەلێ مە ھەموو ڕێك و شێوازێن قرکرنێ و ژناڤبرنێ بکار ئیناینە، کیمیا باران و ئەنفال گوپیتكا ھۆڤاتییێ بووینە ب مەرەما بێدەنگکرنا دەنگێ ئازاد و ڕزگارییێ، و ئەڤ سیاسەتا ھۆڤانە یا ئاراستە کری بوو دژی مرۆڤ و سروشتێ کوردستانێ،سەرەرای ڤێ ھۆڤاتییێ گەلێ کوردستانێ بێ ئۆمێد نەبوو، بەروڤاژی ڕژدتر و پتر خوراگر بوویە ب درێژە دانا خەباتا خۆ تا سەرھلدان و ئازادیا ئيرۆ یا ھەرێما کوردستانێ.
ئەڤ تاوانە یا دوور بۆ ژ هـەموو پرەنسیب و بهـایێن ئەخلاقی و مرۆڤایەتی و درێژە پێدەرا تاوانێن دی یێن ڕژێما ژناڤچوویا بەعس بوو ل دژی خەلكێ كوردستانێ و ئەنجام دەرێن وێ ژی گەهـشتنە سزایێ خۆ .
سەربەرزی بۆ گیانێ جانگۆرى و قوربانیێن ئەنفالا بەھدینان و تەڤایا جانگۆريێن ڕێیا ڕزگاریخوازا کوردستانێ و سەر کاروانێ وان بارزانیێ نەمر.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
25ى ته‌باخا2023
تُتاح هذه الصورة أيضا في: کوردی
