ئایار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ڕێڤەبەرێ‌ سازیا ئێزدینا:بریارا پەرلەمانێ‌ ئەلمانیا بۆ ناساندنا جینۆسایدا ئێزدیان پێنگاڤەكا گرنگ بوو بۆ بدەستڤەئینانا دادپەروەریێ‌

ڕێڤەبەرێ‌ سازیا ئێزدینا:بریارا پەرلەمانێ‌ ئەلمانیا بۆ ناساندنا جینۆسایدا ئێزدیان پێنگاڤەكا گرنگ بوو بۆ بدەستڤەئینانا دادپەروەریێ‌
تۆرا لالش:
ڕێڤەبەرێ‌ سازیا ئێزدینا دیاركر كو ناساندنا جینۆسایدا ئێزدیان ژلایێ‌ پەرلەمانێ‌ ئەلمانیا ڤە،پێنگاڤەكا گرنگ و مەزنە بەرەف بدەستڤەئینانا دادپەروەریێ‌ و پارێزڤانی یا قوربانیێن راستی تاوانێن كرێت بووین ل سەر دەستێ‌ ڕێكخراوا داعش یا تیرۆرستی.
عەلی عیسو، ڕێڤەبەرێ‌ سازیا (ئێزدینا)بۆ رۆژناما دەنگێ‌ لالش دیاركر،ئەڤ دانپێدانە ژبال پەرلەمان یان وەلاتەكێ‌ بهێز یێ‌ ئەورۆپی ڤە هاتیە،دانپێدان یانكو ئەوە كو پێنگاڤێن فەرمی یێن ژئالیێ‌ حكومەتا ئەلمانیا ڤە دێ‌ هەبن ژبۆ لێگەریانێ‌ ل چارەنڤیسێ‌ ب هەزاران گرتیێن ئێزدی یێن هەتا نۆكە ماین ل سووری و عێراقێ‌،هەروەسا هندەك بریارێن دی ژی هەنە بۆ پاراستنا ئێزدیان ل وەلاتێن ئەورۆپی و پێشكێشكرنا پشتەڤانیێ‌ بۆ دەڤەرێن وان ل عێراقێ‌ و دبت ل سووریا ژی ب هەمان شێوە بت و گۆت:(( ناساندنا جینۆسایدا ئێزدیان ژلایێ‌ پەرلەمانێ‌ ئەلمانیا ڤە،پێنگاڤەكا گرنگ و مەزنە بەرەف بدەستڤەئینانا دادپەروەریێ‌ و پارێزڤانی یا قوربانیێن راستی تاوانێن كرێت بووین ل سەر دەستێ‌ ڕێكخراوا داعش یا تیرۆرستی)).زێدەتر گۆت:ئەڤ بریارە ژ 20بەندان پێكهاتبوو یا ئێكێ‌ پارێزڤانی یا قوربانیان و پاشی دانپێدان ب كۆمكوژیا ئێزدیان و یا گرنگتر پشتەڤانی و هاریكاریكرنا ئێزدیان دهەموو بوارێن مرۆڤی و ساخلەمی دا،زێدەباری پێشكێشكرنا ئاسانكاریان دكڤانێ‌ دۆسەیا پەنابەران دا.
ناڤهاتی خویاكر ژی بریار ژ چەند پێنگاڤێن یاسایی ژی پێكهاتبوو ژبۆ دادگەهكرنا تاوانبارێن تاوان ئەنجام داین،زێدەباری ئاڤاكرنا بنگەهەكێ‌ هەڤبەش یێ‌ دیكیۆمێنتكرنێ‌ ل ئەلمانیا.
عیسو تەكەز كر،ل سەر ئاستێ‌ سووریا ژی بریارێ‌ دوپاتكریە كو دڤێت ئەلمانیا پشتەڤانیێ‌ ل پاراستنا مافێ‌ مرۆڤی بۆ ئێزدیان ل دانوستاندنێن دووقولی و هەروەسا فرەلایەنان دا،ب مەرەما بەرجەستكرنا ژیانەكا شایستەی ژیانا كەلتۆری و ئایینێ‌ ئێزدیان ل سەرانسەری جیهانێ‌ دا،وەكو تێگەهشتین كو ئەڤ بەندە دێ‌ ئێزدیێن سوریا ژی بخۆڤە گرت و پاشی ئەلمانیا دێ‌ یا پێگیر بت بۆ گرتنەبەر یا پێرابوونێن سیاسی ب ئارمانجا پاراستنا وان ژ تاوانێن ژلایێ‌ گرۆپێن لەشكەری یێن ئۆپزسیۆنێ‌ و سوپایێ‌ توركیا ڤە تووشی دبنێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi