كچه‌كا گوندێ كۆچۆ نمرا 99%بده‌ستخۆڤه‌دئینت و چیرۆكا سه‌ركه‌فتنا خوه ڤه‌دگه‌رینت
تۆرا لالش یا راگه‌هاندنێ /سفیان سلو
مفیده سلێمان،خه‌لكا گوندێ كۆچۆ یه نۆكه ل ناحیا خانكێ ئاكنجى یه،ل ده‌ما هێرشا تیرۆرستێن داعش بۆ سه‌ر شنگالێ 31ئه‌ندامێن مالباتا وێ هاتنه كوشتن و گرتن،سه‌ربارى ژیانا ئاواره‌یێ به‌رده‌وامى دایه خووندنا خۆ،ل ئه‌زموونێن وه‌رزێ دووێ یێن ویزارى ل پۆلا12ئاماده‌یى كارى نمرا 99% بده‌ستخۆڤه بینت ،ئۆمێدا وێ یه ل كولیژا پزیشكى بێته وه‌رگرتن وخه‌ونا بابێ خۆ دكه‌ته راستى و چیرۆكا سه‌ركه‌فتنا خوه ڤه‌دگه‌رینت.
مفیدایێ وه‌ها به‌حس ل ژیان و چیرۆكا سه‌ركه‌فتنا خۆ كر و بۆ رۆژناما ده‌نگێ لالش گۆت:ل ده‌ما تیرۆرستێن داعش هێرشى قه‌زا شنگال كرى بابێ وێ هاته كوشتن دگه‌ل كوشتن و گرتنا 31ئه‌ندامێن مالباتا وێ و هه‌تا نۆكه چاره‌نڤیسێ 17كه‌سان یێ دیارنینه،وى ده‌مى گه‌له‌ك نه‌خۆشى ب چاڤێن خۆ دیتن،لێ پشتى ئاواره‌بووین و ل ناحیا خانكێ ئاكنجى بووین ده‌ست ژ ژیانێ و خووندنێ به‌رنه‌دا و به‌رده‌وامى دا خووندنا خۆ هه‌تا گه‌هشتیمه قۆناغا 12ئاماده‌یى.
س.س
تُتاح هذه الصورة أيضا في: کوردی
