ناڤه‌رۆكا رێككه‌فتنا هه‌ولێر و به‌غدا لدۆر شنگالێ
گاڤ نیوز:
هه‌رێم و به‌غدا ل دۆر ئاسایكرنا ره‌وشا شنگالێ گه‌هشتنه رێككه‌فتنێ، وه‌زیرێ ناڤخۆ یێ هه‌رێمێ راگه‌هاند: رێككه‌فتن دێ شنگالێ ڤه‌گه‌رینیت ره‌وشا ئاسایى.
د كۆنگره‌یه‌كێ رۆژنامه‌ڤانى یێ هه‌ڤپشك دا ل گه‌ل مسته‌فا كازمى سه‌رۆكوه‌زیرێ ئیراقێ و نوونه‌رێ نه‌ته‌وه‌یێن ئێكگرتى، رێبه‌ر ئه‌حمه‌د وه‌زیرێ ناڤخۆ یێ هه‌رێمێ راگه‌هاند: رێككه‌فتن هاته‌كرن كو ره‌وشا ئیدارى و سه‌ربازى ل شنگالێ ئاسایى ببیت و ئاواره ب ته‌مامى ڤه‌گه‌رن ناڤ مالێن خۆ.
هه‌ڤده‌م د به‌یاننامه‌یه‌كێ دا نه‌ته‌وه‌یێن ئێكگرتى پیرۆزباهى ل حكومه‌تێن هه‌رێم و به‌غدا كر، بالیۆزخانه‌یا ئه‌مریكا ژى ل ئیراقێ هه‌رزوو پێشوازى ل رێككه‌فتنێ كر و ب گاڤه‌كا گرنگ ناڤكر و داخوازكر، رێككه‌فتن ب ته‌مامى بهێته بجهئینان.
ئه‌حمه‌د مه‌لا ته‌لال، په‌یڤدارێ حكومه‌تا ئیراقێ راگه‌هاند: رێككه‌فتن دێ ده‌ستهه‌لاتا چه‌كدارێن نوكه ل شنگالێ ب دوماهى ئینیت و باژار دێ هێته ئاڤاكرن و ئاواره دێ ڤه‌گه‌رن.
ل گۆره‌ى زانیاریێن گاڤ نیوز، هه‌رێما كوردستانێ و حكومه‌تا فیدرال دێ ب هه‌ماهه‌نگى ئیداره‌یه‌كا هه‌ڤپشك دانن و به‌ربژارێن هه‌ردو ئالیان بۆ برێڤه‌برنا پۆستێن ئیدارى ئێكلابووینه.
تُتاح هذه الصورة أيضا في: کوردی
