قایممقامێ شنگال: بەرنامەكێ روهن بۆ پێكڤەژیان و كاركرنێ ل شنگال نینە
باسنيوز:
قایمقامێ قەزا شنگال دیاركركو ئەم نابینن ئەڤسالە ژی هیچ گوهۆرینەك بكەڤتە رەوشا شنگالێ دا چونكو ئەو هێزێن ل شنگال دگەل بەغدا لسەر بەرنامەكێ كاردكەن ل گۆری بەرژوەندیێن خوە دوور ژ پێكڤە ژیانێ و ئاڤەدانیا شنگال.
مەحما خەلیل، قایمقامێ قەزا شنگال بۆ (باسنیوز) دیار كر كو حەشدا شەعبی و هێزێن نەقانوونێ یێن ناڤ شنگال دا ل سەر پلانا گوهۆرینا دیمۆگرافیا شنگال كاردكەن و بەردەوام ل سەر ڤێ پلانا مەترسیدار كاردكەن. هەتا نۆكە ژی چوو بەرنامەیێن روهن و زەلال بۆ پێكڤە ژیان وكاركرنێ ل شنگال نینن وهێشتا حكومەتا بەغدا بەرنامەكێ راست و دروست نەدانایە پێ خزمەتا لێقەومایێن شنگال بهێتە كرن. ئەو هۆزێن عەرەبان یێن دەستێن وان ب خوینا خەلكێ شنگال دا سۆر بووین نها یێ زڤرینە شنگال”.
خۆیا ژی كر كو ب رێیا زڤرینا عەرەبان بۆ شنگال كار لسەر بەرنامێ تەعریبكرنا شنگال دهێتە كرن. ئەم دبینن ئەڤ عەرەب زڤرنە شنگال داكو خوجهێن شنگال نەشێن ڤەگەرن. هەتا نۆكە ژی خەلكێ شنگال پتر 85% ئاوارە نە، نەشیاینە ڤەگەرن. دهەمبەر ژی دا بەردەوام عەرەب یێ دهێنە گوند و دەڤەرێن سنۆری یێن سەر شنگال ڤە”.
تُتاح هذه الصورة أيضا في: کوردی