رێكخراوا رۆژا شنگال دەستپێشخەریەك بۆ پشتەڤانیا رزگاربوویان راگەهاند
تۆرا لالش يا راگههاندنێ
دكڤانێ ئەنجام دانا چالاكیێن مرۆڤی و پشتەڤانیا رزگاربوویان و جڤاكێ ئێزدی ب شێوەیەكی گشتی و هەستكرن ب بەرپرسیارەتیا مرۆڤی و رەوشتیانە هەمبەر ئێك ژ تەخێن ئێزدیا یێن بتر تووشی زۆرداریێ بوویی لسەر دەستێ رێكخراوا داعش،رێكخراوا رۆژا شنگال بۆ مافێ مرۆڤی،ئیرۆ پێنج شەمبوویێ 2/1/2020ێ دەستپێشخەریەك بۆ پشتەڤانیا رزگاربوویان راگههاند بۆ لبەر خۆ نەكرنا رەنگێ رەش كو خەمگینیێ خویا دكەت كو زۆربەیا رزگاربوویان و كەسوكارێن قوربانیان جلكێن رەش لبەر خۆ دكەن بۆ خەمگینیا وان لسەر كەسوكارێن خۆ.
دهەمان دەم دا ئەم پشتەڤانیا خۆ بۆ ڤێ دەستپێشخەریێ و پێنگاڤا مرۆڤی رادگەهینین و دووپات دكەین ئەم پشكداری خەمێن قوربانیانە و چاڤەرێ ڤەگەریانە تەڤاهیا گرتیانە.
هەروەسا سوپاسیا هەموو خێزانان دكەین یێن ئیرۆ مە سەرەدانا وان كری ل كەمپا چەم مشكۆ و بێرسڤێ بۆ پێشوازیا ل دەستپێشخەریا مەكری،هەروەسا سوپاسیا كەسایەتی و زەلامێ ئایینی یێ ئێزدیا بەرێز”میر حاج” دكەین بۆ هاتنا وی دگەل مە دا بۆ سەرەدانا كەمپان و رێزێ ل خانم “دای شەمێ” دەیكا جانگۆریان دگرین كو خۆشحالیا خۆ دەربری بۆ ڤێ دەستپێشخەریێ.
سلاڤ بۆ گیانێ بۆ گیانێ هەموو جانگۆریان و ڤەگەریانا گرتیان و رێز بۆ هەموو رزگاربوویان.
راگههاندنا رێكخراوا رۆژا شنگال بۆ مافێ مرۆڤی
2/1/2020
تُتاح هذه الصورة أيضا في: کوردی
