ل هندەك قوتابخانێن كەمپێن ئاوارێن شنگالێ چار دەوام دئێنە كرن
تۆرا لالش یا راگەهاندنێ
رێڤەبەرێ پەروەردا شنگال یا خووندنا زمانێ كوردی ئاشكەراكر كو بۆ سالا نوو یا خووندنێ ئاریشا نەبوونا جی بۆ قوتابیان ل قوتابخانێن كەمپان دا هەیە،ژبەر ژمارا مەزن یا قوتابیان و ل هندەك قوتابخانان سێ هەتا چار شفتان دەوام دئێتە كرن.
رێڤەبەرێ پەروەردا شنگال یا خووندنا زمانێ كوردی(حسێن خدر)بۆ رۆژناما دەنگێ لالش راگەهاند،دگەل دەستپێكا سالا نوو یا خووندنێ و پتریا سالێن خووندنێ یێن پشتی ئاوارەبوونێ مە ئاریشا نەبوونا جی یا هەی ژبەر هەبوونا ژمارەكا مەزن یا قوتابیان و دەواما قوتابیێن خووندنا ئەرەبی ژی رۆژانێن دەوامێ ب سێ هەتا چار شفتان ل قوتابخانێن ناڤ كەمپان دا دئێتە كرن،وەك رێڤەبەریا پەروەردێ داخواز و پێشنیار كریە ژ رێكخراوان و جیێن بەرپرس كریە بۆ دیتنا رێگە چارەیەكێ،گۆتژی زێدەبوونا قوتابیان و ڤەگوهاستنا مامۆستایان ژ جیەكی بۆ ئێكی دی و ئاكنجیبوونا وان ل ناڤ باژێران دا وەكریە كێماسیێن تەمام ل كادرێ وانەبێژان دا هەبن،هەروەسا قوتابیێن دناڤ كەمپان دا داخوازا مامۆستایێن بسپۆر و پەرتۆكان دكن و ئەم ژی ڤان داخوازیان ب مافێن وان دزانن و هەردەم ژی مە هەول دایە و دبەردەوامین كو پرۆسەیا خووندنێ باشتر بكەین و گۆت:((ژبەر رەوشا ب زەحمەت یا خەلكێ مە دناڤ كەمپان دا تێرا دەربازدبت مە نە سپاندیە قوتابیێن ئاوارە ب جلكێن دەستنیشاكری یێن وەك هەڤ بێنە قوتابخانێ.
حسێنی دا زانین ژی پەروەردا شنگال ل سالێن دەربازبووی كاری یە سەركەفتنێن هەرە باش بدەستخۆڤەبینت،ل سالەكێ دا ئەم بووینە یێن ئێكێ لسەرانسەری پەروەردەیێن پارێزگەها دهۆكێ یێن خووندنا زمانێ كوردی.
تُتاح هذه الصورة أيضا في: کوردی
