بنگه‌هێ لالش قوتابيێن سه‌ركه‌فتى ل قوتابخانێن باشيكێ خه‌لاتكرن
تۆرا لالش يا راگه‌هاندنێ
به‌رده‌واميدان ب پشته‌ڤانيا قوتابيێن ئێزدى و ب پشته‌ڤانيا ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى 26قوتابيێن سه‌ركه‌فتى و رێڤه‌به‌رێ په‌روه‌ردێ و رێڤه‌به‌رێن قوتابخانان ل ناوچه‌داريا باشيكێ هاتنه خه‌لاتكرن.
ئيرۆ رۆژا ئێك شه‌مبوويێ 7ى ئوكتۆبه‌را 2018ێ و لدوڤ راسپاردێن به‌رێز”شێخ شامۆ” سه‌رۆكێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى،بنگه‌هێ لالش تايێ به‌حزانێ ئاهه‌نگه‌كا رێزلێنانێ بۆ قوتابيێن سه‌ركه‌فتى ل باشيكێ گێرا.
ل به‌راهيێ به‌رێز”ره‌عه‌د تارق” به‌رپرسێ بنگه‌هێ لالش تايێ به‌حزانێ په‌يڤه‌ك پێشكێشكر و سوپاسى و پيرۆزباهيێن شێخ شامۆ گه‌هاندنه قوتابى و په‌روه‌ردا باشيكێ،ئاماژه دا رۆلێ بنگه‌هێ لالش بۆ ڤه‌گوهاستنا هه‌زاران قوتابيان ژ زانكۆ و په‌يمانگه‌هێن حكومه‌تا ناڤه‌ندى بۆ زانكۆ و په‌يمانگه‌هێن هه‌رێما كوردستانێ،زێده‌بارى پشته‌ڤانيا ڤه‌كرنا قوتابخانێن برايه‌تى و هاريكاريكرنا قوتابيێن شنگال به‌رى هاتنا داعش و دانا كريا وان بۆ ماوێ ساله‌كێ،هه‌روه‌سا سوپاسيا رێڤه‌به‌رێ په‌روه‌ردێ و رێڤه‌به‌رێن قوتابخانان و مامۆستايان كر بۆ پشته‌ڤانيا پرۆسا په‌روه‌ردێ و فێركرنێ ل ده‌ڤه‌رێ.
ژلايه‌كى دى ڤه رێڤه‌به‌رێ په‌روه‌ردا باشيكێ”موحسن عه‌لى” په‌يڤه‌ك پێشكێشكر و په‌سنا رۆلێ بنگه‌هێ لالش كر بۆ پشته‌ڤانيا قوتابيان و خه‌لاتكرنێ كر.
پاشى 26قوتابيێن سه‌ركه‌فتيێن ئێكێ ژ هه‌ردوو ره‌گه‌زان و رێڤه‌به‌رێ په‌روه‌ردێ و رێڤه‌به‌رێن قوتابخانان هاتنه خه‌لاتكرن.
تُتاح هذه الصورة أيضا في: کوردی
