شێخ شامۆ..بۆ پشتەڤانیکرنا ئێزدیاتیێ و کوردایەتیێ دەستا ژ رێبازا بنگەھێ لالش بەرنادەین
باسنيوز:
سەرۆکێ دەستەیا بلندا بنگەھێ لالش یێ رەوشەنبیری و کۆمەلایەتی، دیارکرکو 24 سال ل سەر دامەزراندنا بنگەھێ لالش دەرباز دبن ل سەر دەستێ کۆمەکا ژ کەسایەتیێن ئێزدی یێن ڤیانا ئێزدیاتیێ و کوردایەتیێ ل ھەڤ کۆمکرین وئاڤاھیا ئێکێ یا مەزنترین دەزگەھێ رەوشەنبیری و کۆمەلایەتی یێ ئێزدیان ل 12/5/1993ل باژێرێ دھۆکێ دانان.
شێخ شامو، سەرۆکێ دەستەیا بلندا بنگەھێ لالش یێ رەوشەنبیری و کۆمەلایەتی، بۆ (باسنیوز) دیارکر: “دامەزراندنا بنگەھێ لالش پێدڤیەکا دیرۆکی یە بۆ کوردێن ئێزدی، بۆ بەرەڤانیکرنێ ژ مێژوو و نەریتێن وان یێن ئاینێ و گرێدانا وان یا نەتەوەیی یا کوردی”.
خۆیا ژی کر: “چەندین دەرەوێن جودا جودا لبن ناڤێ تەعریبکرنێ ل دژی ئێزدیێن ئاشتیخواز بەلاڤکرن ئەوێن ل پاریەکێ نانی دگەرن و تنێ ب ئاشتیانە بژین ل ھەمبەر بنگەھێ لالش و یێن ل سەر دا کۆمەکا ئاستەنگا ل سەر ئاستێن جودا ھەبوون،ب تایبەت ل دەمێ دامەزراندنێ تەنھا 10%ژ دەڤەرێن ئێزدیان ب سەر ھەرێما کوردستانێ ڤە بوون،بەلێ ئەو دەڤەرێن دیتر دبن کۆنترۆلا رژێما بەرێ یا عێراقێ دابوون ھەتا نیسانا سالا2003ێ”.
شێخ شامۆ، گۆت: “دەمێ 10سالان دا ھەموو بنگەھێن لالش کاردکەن بۆ خزمەتکرنا خەلک و جڤاکێ مە،ل 3 مەھا ئابا 2014ێ دەمێ رێکخراوا تیرۆرستیا داعشێ دەست ب سەر شنگالێ دا گرتی،و کوشتارێن درندانە ژ کوشتن و گرتن و ژناڤبرن و دزین و پەقاندنا مەزارگەھێن ئایینی ئەڤ کارێ ھەنێ بوو ئەگەرێ ئاوارەبوونا دۆرێن 400ھەزار ئێزدی ژ شنگال و باشیک و بەحزانێ و دیتر،بنگەھێ مە ب دەھان ژ ستافێ وی چوونە لگەل پێکۆلێن ھاوار ھاتنێ و پێشکێشکرنا دەستێ ھاریکاریێ بۆ خەلکێ مە ل کەمپان و ژ دەرڤە”.
ئاشکرا کر:” دەنگ ھەبوون نەتەوەی یا کوردی یا ئێزدیان د دەمێ رژێما عێراقی یا دکتاتۆری یا گۆربگۆر تێکدەن،ئەڤ ھزرێن وەسان یێن شۆفینی ھەول دان ب ڤێ لاپەرا سۆتی یاریێ بکەن بۆ ب دەست ڤە ئینانا دەستکەفتان ل سەر کیسێ راستیێن مێژوویی و جوگرافی،و ھەول دان رەە وریشالێن کێشە و بەل بەلێ ب چینن دناڤبەرا ئێزدیان و گەلێ کوردستانێ دا،بەلێ ھەموو ھەولێن وان شکەستن و سەرنەگرتن”.
سەرۆکێ دەستەیا بلندا بنگەھی لالش، بۆ (باسنیوز) دیارکر: “ھندی سەرێ نەینوکێ ژی ئەم دەستا ژ ڤێ رێبازێ نابەردین سەرەرای ھەموو گھۆرین و کاودانان، تاقیکرنان بۆ مە دووپاتکر کو دەستگرتن ب راستیان خۆ چەند مابت،تاقیکرنا بنگەھێ لالش د درێژاھیا 24سالان دا نەوەک ھاتیە راخستن ب گولان وەک ھندەک دبینن”.
شێخ شامو گۆتژی: “بنگەھێ لالش یێ بوویە پرەک بۆ پشتەڤانیکرنا رەوشەنبیریا پێکڤەژیان و لێبۆرینا ئایینی و ھەڤ قەبوولکرن ب رەوشەنبیریا یێن دی و پێکۆلێن مەزن ئێخستنە کار دڤی لایی دا ژ دەما دامەزراندنا وی بۆ ماوەیەکێ نێزیک دا،ئەو دێ بەردەوام بت ھولدان، بنگەھی ببتە مەنبرەکێ ئازاد بۆ ئازارێن ئێزدیان ل دەڤەرێن وان یێن رزگارکری ب رێیا ئەنجامدانا دیدارێن رەوشەنبیری دگەل کەسایەتیێن فەرمی و حکومی یێن ئاست بلندا”.
نوونەری ئێزدیان ل پەرلەمانێ کوردستانێ، ئەوژی دیارکر: “بنگەھێ مە دێ بەردەوام بت ل سەر پەیرەوێ خۆ یێ رەسەن،و دێ مینت بۆ بەرەڤانیکرنێ ژ مافێن ئێزدیان ل دووڤ ئەوا یاکو دشیاندا بیت،ھەروەسا دێ ھەموو پێکۆلێن خۆ ئێخستە کار بۆ خزمەتکرنا خەلکێ کوردستانێ،چنکو ئەم پشکەکا گرنگین ژ رێکخراو و بنگەھێن رەوشەنبیریێن دی یێن کوردستانی ئەوێن دئێن پالدان بەرەف ب دەست خستنا خەون و ھیڤیێن گەلێ کوردستانێ بەرەف مافێ چارەنڤیسی، ئەویڤە مافەکێ سروشتی یێ ھەموو گەلێن ئازاد وئازا”.
تُتاح هذه الصورة أيضا في: کوردی
