March 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Barzanî: Êdî dem bo paşxistina referandumê dereng e, ez xwe şermezarê millet nakim!

Barzanî: Êdî dem bo paşxistina referandumê dereng e, ez xwe şermezarê millet nakim!

Hewlêr (Rûdaw) – Serokê Herêma Kurdistanê Mesûd Barzanî ragihand, referandum nayê paşxistin û ew ji bo gotûbêjên bi Bexda û civaka navdewletî re amade ne, lê belê ne niha belku piştî 25ê Îlonê û encamdana referandumê. Barzanî herwiha got, ku ew xwe şermezarî millet nake û tekez kir: “100 sal e Kurdan ceza dikin, eger niyeta we ya cezakirina kurdan hebe, dest ji cezakirina Kurdan berdin, werin min ceza bikin.”

Îro înê 22ê Îlonê li Hewlêr a paytext bi dehan hezar hevwelatiyên Kurdistanî bo piştgiirya referanduma serxwebûna Başûrê Kurdistanê li Stadyuma Fransu Herîrî li hev kom bûne û Serokê Herêma Kurdistanê Mesûd Barzanî jî têde beşdar e.

Mesûd Barzanî di vê karnavala mezin de gotarek pêşkêş kir û derbarê referanduma serxwebûna Başûrê Kurdistanê de peyamên giring dan cîhanê û gelê Kurdistanê.

Barzanî li ser biryara referandumê û daxwazên bo paşxistina referandumê e jî diyar kir: “Niha referandum ne di destê min û partiyan de, di destê we gel de ye.”

Barzanî rexne li helwesta civaka navdewletî û Encumena Asayişa Navdewletî ya li hember referanduma Kurdistanê girt û got: “Me got belke wêrankirina 4500 gund, windakirina 15 hezar Kurdên Feylî, enfala 8000 barzaniyan û 182 hezar Kurdistaniyan wîjdana cîhanê hejandibe, lê mixabin wisa nebû.”

Barzanî herwiha tekez kir, “ez ji Encumena Asayişa Navdewletî re dibêjim em rijdtir dibin li ser şerê DAIŞê û zêdetir ji caran şerê DAIŞê dikin.”

Barzanî amadeyiya Herêma Kurdistanê bo gotûbêjan nîşan da û diyar kir: “Em amade ne bo gotûbêjê, lê belê piştî 25ê Îlonê, nihe gelek dereng e.”

Barzanî amaje bi êş û derd û karesatên ku di 100 salên bihorî de hatine sere milletê Kurd, kir û tekez kir: “100 sal e Kurdan ceza dikin, eger niyeta we ya cezakirina kurdan hebe, dest ji cezakirina Kurdan berdin, werin min ceza bikin.”

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi