Bingehê Laliş: rapirsya kurdistanê bo serxwebûnê ..pêngaveke azaye û gelek mayne çaverê
Piştî dehên salan qurbanyên giran, ewên gelê mey kurdistanê pêşkêşkrî ku pênûs nikarî derbrînê ji wê ziyan û zererê bike li ser tevaya astêt mirovayetî û abûrî û jîngehê , jinavbrna bi hezara gunda û rakirna xelkê wan , tawanên enfala û lêdana wan bi gaza jehrawî , nêzîk bûye roja azadyê bihelît li ser erdê Kurdistanê daku gelê Kurdistanê bibne serwerê axa xwe ya dîrokî bê hîç deselat û dagêrkirnekê jiblî Kurda .
Bi grngîdaneka mezin me dîvçûn kirye û dîvçûna pêngavên serkrdayetya herêma Kurdistanê dikeyn beref raprsîna mllî bo mafê çarenvîsê Kurdistanê , hevrkîya kawdanên navxoy yên herêmayetî yên aloz û rêveçûn beref keş û hewayekî azad sereray hemî astengan , em baş hest dikeyn ku ew pekkeft û astenk nakevne beramberî vyana wî gelê têhnyê azadyê û qurtalbûyê bin destyê , nexşê awatên rewa hate kêşan bi ronahya roja bîst û pêncî (25) eîlula dahatî wek jivanê encamdana rapirsya serxwebûna çaverêkrî ya bi dehan salan ji zulm û stemkaryê û jiêstandina viyanê bi ne heqî .
Ew çenda û raya me zêdekrî jibo piştevanya vê pêngava aza ya ku em gelek mayne li çaverêya wê .ewa ku hemî Kurên gelê Kurdistanê ber vê raprsyê ketî , dinav wande xelkê meyê Kurdê êzdî li deverên wan yên germ û brîndar , ewên pitrya wan hatîne azadkirn bi xûn û qurbanîdana pêşmergeyên qehreman , em li vêderê dûpat dikeyn ku Bingehê Laliş bi tevaya kadrên xweve dê hemî şyanên xwe dene karî bo pştevanya vê pêngava pîroz û dengdan bi “Belê” bo serxwebûnê û “Belê” jibo bi dest ve înana mafê çarenvîs û “Belê” jibo avakirna welatê Kurdistanê daku gelê wî şad bibe bi bayê azadyê wek gelên din .
Em dibînin pêvajoya serxwebûna gelê Kurdistanê pêdvîye bilnd bibe li ser hemî nakokyên partayetî û syasî dinavbera kurên yek welatî , û ev nakokyên he rewşeka saxlem û rasteqîneye diçarçovê dîmukrasyê da , em bi hîvîne raprsya bi desteveînana mafê çarenvîs delîvek be bo dûbare avakirna mala Kurdistanî ,çûnke azadya gelê me û serxwebûna wî li ser hemî wan nakokyaye yên ku çareserya wan hey bi rêkên diyalokên kûr dinavbera serkrdayetya Kurdistanê û partên Kurdistanî, bi hîç rengekî nabît sivkatî bi mafên gelê Kurdistanê bêtekirin û bazrganî pê bêtekirin li bin hêceta nakokyên syasî , jiberku mafên gelê KurdIstanê bilndtir û pitre û bi rûmet tire ji her nakokyeka derfeta çareserya wî hey , eu mafeke nabît hîç layenk muzaydê li serbiket .
bê hîç gumanek ku rapirsya mafê çarenvîsê gelê KurdIstanê , ew rêzgirtne jibo gyanên sedan hezaran cangoryên gelê meyê Kurdistanê , her dîsan ew rêzgirtne jibo gyanên qurbanyên Kurdên Êzdî li pêvajoya bizava azadîxwaza Kurdistanê , çûnke Êzdî weku hêla êkê bûn bi dirêjahya xebata bizavên azadîxwaza Kurdistanê bi hukmê cugrafya wan ya bernyas bo hemyan , gundên wan bibûn wek berbestan û hêlên berevanyê yên êkê jibo bergryê ji Kurdistanê , zêdebarî ku wê destê harîkaryê û piştevanyê pêşkêşî pêşmergeyên qehreman dikir jiblî hemî rêkarên tund ji layê rjîmên îraqê yên şufênî yên pêşû .
Pêdvîye lI ser me Êzdyan em li astê qurbanîdana xwe bin yên bi drêjahya pêvajoya bizava azadîxwaza Kurdistanî , û em xwe dûrbikin ji tevlîhevkirina babetan li van demên çarenvîsaz , ku derfet nîne jibo şaşyan , li pêşya me dû rêk hene , Kurdistan yan Erebistan pirs ye çarenvîssaze û yek laykere ne tenha grêday rewşa meye nihoye belku grêday berebabên dahatîye , û li ser me fere em çarenvîsê xwe û xedra li tebaxa 2014 li me hatî kirin tevlîhev nekin ewa heta îro jî em jiber dinalîn .
Û ji hejî amajekirnê ye ku serok Mesod Barzanî li çendîn civînan dûpatkrye ku bryara Êzdyan di destê wande ye û ew dê bryarê li ser çarenvîsê xwe din , û eveye roja dyarkirna çarenvîsê me ku biryar bi destê meye ne di destê çi layenên dîtr daye , û pirs ewe ku pêdvîye bi aqlmendî serederî li gel bêtekirin ne bi xweşkirnên çarçovekrî û arastekirnên siyasî yan partayetî digel vî layenî û layenê dîtr , cih nîne bo xweşkirinê divan rewşên êk laykerda kêşana nexşê herêmayetî dê dûbareket herwesa dê Êzdyan jî kete beramber helbjardeyekê dîrokî li terxankirin û bilndkirina jêyatya erdê bab û bapîran yan veqetyan jê heta hetay bi sedemên dildarî yên ku neguncay digel qebarê hevrkyên niho hey .
Desteya bilnda Bingehê Laliş yê rewşenbîrî û komelayetî /Duhok
8\6\2017
تُتاح هذه الصورة أيضا في: Kurdî
