ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەركەفتنا ریفراندۆمێ‌ ب دەستڤە هاتنا مافێن گەلێ‌ كوردستانێ‌ یە

سەركەفتنا ریفراندۆمێ‌ ب دەستڤە هاتنا مافێن گەلێ‌ كوردستانێ‌ یە
جەمال كـــودی
دەمێ‌ هەر مللەتەك ماوەیەكێ‌ درێژ درێیا ئازادی وسەربەستیێ‌ خەبات وبەرخودانێ‌ بكت وقوربانیێ‌ بدەت،بێ‌ گۆمان رۆژەك دێ‌ ئێت بەرهەمێ‌ وێ‌ رەنج وخەبات وبەرخودانێ‌ دیاربت وئەو مللەت رۆژ بۆ رۆژێ‌ نێزیكی ئارمانجێت خۆ بت وب مافێ‌ خۆ شادبت، خویایە كو گەلێ‌ كوردستانێ‌ ژی ب هەموو تەخ وچین ونەتەوە وپێكهاتێن خۆڤە گەلەك قوربانی دایە بگرە ئەنفال وتالان وزیندان و ئەشكەنجەدان باركرنێ‌ وب هەزارەها كەسا جانێ‌ خۆ گۆری ڤێ‌ ئاخا پیرۆز كریە،داكو رۆژەك بێت ب ئازادی وسەربەستی وتەناهی لسەر ئاخا خۆ بژین بێ‌ هیچ كەسەك زۆری وفشارێ‌ لێ‌ بكت،چنكو هەردەم پلانێن دوژمن ونەحەزێت كورد وكوردستانێ‌ ئەوبوون كو كوردستان یە پارچەكری بت ژبۆ بەرژەوەندیێن وان لێ‌ ب ئیرادە وهێزا پێشمەرگێ‌ قارەمان وخۆراگرییا گەلێ‌ كوردستانێ‌ وبخوینا پاقژا جانگۆریێت كوردستانێ‌ قۆناغ بۆ قۆناغێ‌ هەتا ئیرۆ پارچەك ژكوردستانێ‌ ئانكو باشوورێ‌ كوردستانێ‌ بوویە هەرێم وخودان حكومەت و پەرلەمان وئەڤ چەندین سالن خۆ ب رێڤە دبەن.
لەورا ئیرۆ باشوورێ‌ كوردستانێ‌ گەهشتیە وێ‌ قۆناغێ‌ كو گەلێ‌ كوردستانێ‌ وی مافی بدە وەكی هەر مللەتەكی ل دنیایێ‌ بریارێ‌ لسەر چارەنڤیسێ‌ خۆ بدەت كو ببتە خودان وەلاتەكی سەربەخۆ،چنكو مافێ‌ وی یێ‌ رەوایە لگور بەلگەنامە ویاسا و بەندێن نێڤدەولەتی هەر مللەتەكی مەرج ژێبگرن مافێ‌ سەربەخۆبوونێ‌ هەیە و یێن سەرەكی ژی ئاخ، زمان ،گەل وئەو ژی هەینە، دەربارەی كاودانێت ئیرۆ عێراق تێرە دەرباز دبت بهیچ رەنگەكی عێراقا ئێكگرتی نەدبەرژەوندیا گەلێ‌ كوردستانێ‌ دایە،چنكو هەر ژدەما دامەزراندنا وێ‌ وهەتا ئیرۆ رۆژ هەردەم مافێن گەلێ‌ كورد هاتینە فەرامۆشكرن ژبلی تالانكرنا مال وسامانێ‌ خەلكێ‌ كوردستانێ‌ وخرابكرن وێرانكرن وسۆتنا گوندێن وان،زێدەباری جینۆساید وكیمیا بارانكرنێ‌،ژلایەكێ‌ دیڤە دماوێ‌ بۆری ئەڤ پتر ژبیست سالا هەرێما كوردستانێ‌ د هەموو بیاڤان دە پێشڤە چۆیە ب تایبەتی بیاڤێ‌ خزمەت گۆزاری وزانستی و ئێمناهی ڤە،بەلگە ژی بۆ وێ‌ چەندێ‌ ئیرۆ بوویە جیێ‌ ڤەحواندنا ب هەزاران لێ‌ قەومیا وئاواران ، هەرێما كوردستانێ‌ بێ‌ بەغدا دكارت ب ئەركێ‌ خۆ رابت وبریارێن خۆ ب جه بینت ئەگەر چو دەستێن دەرەكی نەكەڤنە دناڤدا،ئەڤجا نهۆ دەلیڤەكە زێرینە ومافەكێ‌ مە یێ‌ رەوایە هەمو تەخ وچین پالە وجۆتیار ومامۆستا وئەندازیار وهەموو فەرمانبەرێن میری برێیا راپرسینێ‌ ل 25ـ9ـ207 بریارا چارەنڤیس و پاشەرۆژا خۆ وزارۆكێن خۆ بدەت بۆ كوردستانەكە سەربەخۆ،داكو ئەڤ بەرەبابێن بێن ژلایێ‌ نەتەوە پەرێس وستەمكار ودوژمناڤە نەئێنە بن دەست كرن ومافێن وان د دەولەتا كوردستانێ‌ بێنە پاراستن بێ‌ هیچ كەسەك یان وەلاتەك یان دەستهەلاتدارەك فشارێ‌ لێ‌ بكت ژ ئاسانترین مافێن وی بێ‌ باركەت،هەروەسا سەركەفتنا ریفراندۆمێ‌ وسەربەخۆبوونا كوردستانێ‌ دێ‌ پتر دبەرژەوەندا هەموو ئایین وكێمینە وپێكهاتێن كوردستانێ‌ دە بت ب تایبەتی ژلایێ‌ دەست نیشانكرن وچەسپاندنا مافێن وان د دستوورێ‌ هەرێمێ‌ دە و زێدەباری دەلیڤە خۆشكرنێ‌ بۆ پیادەكرنا تەڤ رێورەسمێن وان یێن ئۆلی وكۆمەلایەتی لگۆر داخوازیێن وان.
ئەڤجا گرنگە ئیرۆ تەڤ تەخ وچین وئۆل دەستێ‌ خۆ بدەن هەڤ دئامادە وپشتەڤان بن بۆ پشكداریكرنێ‌ وسەرئێخستنا پرۆسێسا ریفراندۆمێ‌ ونەهێلن ئەڤ دەلیڤە ژدەست بچت وخوینا وان جانگۆرییا ژبیرنەكەین،ئەوێن خۆكرینە قوربانی بۆ ئازدیا گەلێ‌ كورد وكوردستانێ‌ بێژن بەلێ‌ بۆ سەربەخۆبوونا كوردستانێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi