مشەختی سمبولا پێكڤەژیانێ یە
پیر خدر سلێمان
ناڤەراستا سالێن نۆتا1995 مە ل بنگەهێ لالش و ئێكەتیا نڤیسەرێن كورد ل بەهدینان بهیست كو هۆزانڤانێ ناڤدارێ كوردستانێ(مەلا خەلیل مشەختی)ژئیرانێ ڤەگەریایە دەڤەرێ ول كۆمەلگەها (چەرە)ی یێ ئاكنجی یە،مە ب ئەركێ لسەر ملێ خۆ زانی ئەم شاندەكی ژ ئێكەتیا نڤیسەرا وبنگەهێ لالش پێكبینین وبچینە سەرەدانا وی و بخێرهاتنا وی بكەین،،،،ئەو بووئەز وسەیدا( كەریم فندی) ورەحمەتی( دیاردۆسكی)چۆینە چرەی ل مالامەلاخەلیل،،وەكی هەر پەنابەرەكی كورد ژ ئیرانێ ڤەگەریایی دمالەكا بێ سەروبەر وسادە دابوو ….. وی دیت ئەم وێ هزرا چی دكەین و دمەلوول ماین رابوو سەرخۆ وجاجمەك لسەر سندۆقەكا مەزن یە داری لادا وگۆت:من ئەڤ خزنە بخۆ را ئانی یە،،مە دیت كۆمەكا دەفتەرێن دەست نڤیس كو پێكهاتبوون ژ چەند دیوان و وپەرتۆكێن بەرهەمێ مەلاخەلیل ….براستی ژی خزنەكا مەزن وگەنجینەكا پر بەهابوو،،،گۆت ئوون بخێرهاتن ئەز دێ كارم چی ژ وەرا بكەم -؟مە گۆتێ هەكە سحەتا وە دەست بدەت مێڤانیەكێ لمەبكەن ل بنگەهێ لالش وئێكەتیا نڤیسەرا.. جوامێری سۆزدا وسۆزا خۆ ئانی جی،،رۆژا دن بسەرەدان هاتە بنگەهێ لالش وئەم ب هەڤرا چۆینە بارەگایێ ئێكەتیا نڤیسەرا و مە پلانا دووسمینارا دانا كو رۆژەكێ ل بنگەهێ لالش ویەكێ ل ئێكەتیا نڤیسەرا سمینارا پێشكێش كت.
سمینارا یەكێ ل بنگەهێ لالش پێشكێشكر ب ئامادەبوونا هژمارەكا مەزن ژ رەوشەنبیر وسیاسەتمەدارێن دەڤەرێ ویا دن ب هەمان حازری ل ئێكەتیا نڤیسەرا،،،ژمن را سەرفەرازیەكا مەزن بوو ئەز ل بنگەهی ب ڤان چەند رێزەكا ڤی بلیمەتی پێشكێشی جەماوەرێ ئامادەبوویی بكەم وبێژم:(( دەروێشێ قەلەندەر،،،،،،پێشمەرگێ كۆلنەدەر،،،،،……كەوێ جڤاتا كوردا،،،،،هۆستایێ شیعر وبەندا،،،،مەلا خەلیل شێخانی،،،،،تو زانایێ كوردانی،،،،،ب ناسناڤێ مشەختی،،،،گیانێ تەیە بەهشتی،،،،،)).
هەژی گۆتنێ یە شارەوانیا قەزا شێخان دگەل لایەنێن پەیوەندیدار وەك چمكەكا وەفاداریێ بەری چەند سالا ئەڤ پەیكەرێ وێنەیێ وی لسەری ژمەلا خەلیل را دانەچێكرن و ل دەروازێ سەنتەرێ ئێسڤنێ دانان؛بێی ناڤ وپێناسا مەلا خەلیل لسەر بنڤیسن وسالا پارستاندا پەیكەری ژی ئێوری بوو …ئەز چۆمە جەم سەرۆكێ شارەوانیێ و رێڤەبەرێ رێڤەبەریا رەوشەنبیری ومن پێشنیاركر خەمەكێ ل رێك وپێككرنا پەیكەری بخۆن،،جوامێرا سۆزدان وئەم ل بەندێ بووین ڤیستەڤالەكا هەژی كەد وهنەرا بەهشتی مەلا خەلیل ساز بكەین و ئەو پارچە زەڤیا خانی یێ مالا وی ل سالێن هەفتیا تێدا و رژێمێ ل سالا1975ێ دایە بەر دۆزەر وشەفەلا بۆ كەسوكارێن وی بزڤرینین یان ژی بشوونا وی پارچەكا ئەردی شارەوانی و قایمەقامیا شێخان مالباتا وی قەرەبۆوكەتن..هەروەك چمكەكی وەفاداریێ بۆ روحا ڤی زانا وپێشمەرگە وببلیمەتێ كوردستانێ.
سوپاس بۆ مامۆستا (محمدعارف تتۆ ) كو وێنێ پەیكەرێ مەلا خەلیل ب كامیرا خۆ گرتی وئەڤ هۆزانا جوان ژی لسەر ڤەهوونای و وەشاندی،ومن ژی ژمالپەرا وی وەرگرتی یە.
تُتاح هذه الصورة أيضا في: کوردی
