بازرگانیكرن ب ژنا ئێزدی سڤكاتیكرنە ب گشت ژنان
جیهان عبۆ
ژنا ئێزدی و ب تایبەت ژنا شنگالێ تووشی نەخۆشترین و زەحمەترین ئازارابوویە و مەزنترین قوربانیا دەستێ داعشێ یە ل عێراقێ،ئۆل و جڤاكێ ئێزدی رێز و حوورمەتەكا مەزن دەنە ژنێ مینا دەیك و خوشك و هەڤژین و هەڤال دبینن،ئانكو ژن ژیانا ئازادیێ یە و بێی وێ ژیانێ چ رامان نینە.
د كارەساتا رەشدا پتریا خەلكێ شنگالێ ژن و زارۆك و زەلام بوونە قوربانی،لێ قوربانیا ئێكێ ژن بوو و پتر ئێش و ئازار دیتن،چنكو دەیكا شنگالی جەگەر شووتی، زارۆ و هەڤژینێن خۆ ئانكو ژیانا وێ حەموو بوو قوربان،كچا شنگالی كەساتیا خۆ ووندا كر حەز و ئارمانجێن خۆ یێن كەسایەتی و ئەو ژیانا وێ د هزرا خۆدا بەرهەڤكری سەبارەت شووكرنێ و زارۆكان و هەڤدیتنێ خۆ پاشەرۆژێ لبن دەستێ تیرۆرستێن داعش دوژمنێ مرۆڤاتیێ،هەردیسان كچێن ئێزدیان هاتنە كرین و فرۆتن وەكی كەل و پەلەكیی بازرگانی ل سووكێن وەلاتێن ئەرەبی و ئیسلامی ل ژێر ئالایەكێ رەش كو ل سەر نڤیسیە(الدولە الاسلامیە)،پرسیارا هەردەم دئێتەكرن ئەرێ ئەڤا داعش بەرامبەر ئۆل و ژنێن ئێزدی كری حەلالە یان حەرامە، حەلال چما؟ وئەگەر حەرا مە بۆچی وەلاتێن ئەرەبی و ئیسلامی بەرامبەر ئەڤان كریارێن هۆڤانە یێن داعش بەرامبەر كچ و ژنێن ئێزدی دكت بێ دەنگی هەلبژارتینە،كو ئیشاندن و رەڤاندینە و بێ حرومەتكرنا ژنا ئێزدی و بازرگانیكرن ب وان خالەكا رەشە،د روویێ گشت مرۆڤاتیێ دا، لەورا بازرگانیكرن ب ژنا ئێزدی سڤكاتیكرنە ب گشت ژنان.
خالەكا هەرا گرنگ پشتی هندەك ژ كچ و ژنان خۆ سەربەست كری ژ دەستێن تیرۆرستێن داعش ناروونشتنە خوار لبن خیڤەتان ڤە ،سنوورێ گەلەك وەلاتێن بیانی بەزاندن بۆ گەهاندنا ئەو مەرگەساتیا رەشا ب سەۆ گەل و ژنا ئێزدی هاتی ل سەر دەستێ داعش،ئەم ب هیڤینە كو ئەو ژنێن قارەمان و ئازا بكارن تشتەكی بۆ حەموو ژنێن ئێزدی و یێن زووولم لێكریێن جیهانێ بكن و ئێدی ژن نەبنە قوربانیێن شەر و جەنگا و ژنێن ئێزدی ژ بازرگانیكرنێ و كویلەكرنێ و مرنێ رزگار بكن و ڤەگەرینن بۆ باوەشا ژیانێ.
تُتاح هذه الصورة أيضا في: کوردی