جەژنا سەرێ سالا ئێزدیان ل شێخان ئەڤ سالە جەژنا حەموو ئۆل و نەتەوا بوو
مەهدی حەسەن
موكمكرنا پەیوەندیا دناڤبەرا پێكهاتێن جڤاكی دا دهێن ل هەر جهەكی هەبت بەری هەر تشتەكی د رێیا ڤان جەژن و هەلكەفتێن ئاینی و نەتەوەیی و نشتمانی دا كار دئێتە كرن ، لەوا ژ مەژی د ئێتە خواستن ئەم پتر گرنگیێ ب دەین ڤان هەلكەفتا وگیانێ لێبۆرینێ ب كاربینین بۆ نێزیكبوونا مە و پێكڤەبژین ومە باوەری ب ئێك ودوو هەبت،دوژمنا گەلەك كار ل سەر ڤێ چەندێ كریە و پلان دارێژتینە بۆ نەمانا پێكڤەژیانێ دناڤبەرا پێكهاتێن كوردستانێ دا وهەول داینە ئەڤ كێم ئاین و نەتەوە بێنە ژناڤ برن و نەمینن، نەخاسمە پشتی هاتنا دەولەتا ئیسلامی یا بناڤ داعش و ئەڤ زۆرداریا ل ئێزدیا كری و ب شێوەیەكێ هۆڤانە هێرشكریە سەر شنگالێ و ئێخسیركرنا كچ و ژنێن ئێزدیا و سڤكاتیا ب ئێزدیا هاتیە كرن ب ناڤێ ئیسلامێ دووربینەك درووست ب بوو دناڤبەرا مللەتێ مەدا و باوەری پێكڤە نەمابوو جارەك دی پێكڤەبژین.
دگەل ڤێ چەندێ هندەك لایەنا كار ل سەر دۆرخستنا ئێزدیا دكر هێدی تێكلیا جڤاكێ بوسلمان ب شێوەیەكی گشتی نەكن و د خەلەكەكا گرتی دا بژین ژبۆ بەرژەوەندیا دوژمن و داگیركەرا،لێ ئەولەویاتێن بەرنامێ پارتی و بارزانی مانا ڤێ پێكڤەژیانێ بوویە وبێشك راستیا ڤی بەرنامی و گرنگیدان ب ئێزدیاتیێ و ئێزدیان ل ڤێ جەژنێ دیاربوون كا چەند گرنگی ب ئێزدیاتیێ هاتیە دان یان بەرهەمێ ڤی بەرنامەی ئەڤ رێزا جڤاكێ كوردستانێ ب گشتی ل جڤاتا رۆحانی و مالا میری وبابا شێخ و ب چاڤەكی پیرۆز بەرێ خۆ دانە پەرستگەهالالش و بەشداری ڤان رێ و رەسمێن دئێنە گێران كرن،ژلایەكێ دیڤە هاتنا ڤان شاند و كەسایەتیێن بوسلمانا بۆ ناڤ گوند و مالێن ئێزدیا و پیرۆزكرنا جەژنا سەرسالێ وگرنگیا راگەهاندنێ و ل تلەفزیۆن و تۆرێن كۆمەلایەتی وبەرنامە و دیدار هاتینە پەخشكرن ل سەر كەنالێن تلفزیۆنا بووینە جهێ دلخۆشیا هەموو ئێزدیا ئەڤ تێكلی و پێكڤەژیان ل ڤی ئاستی و وەسا رێزگرتن ل ئێزدیاتیێ بێتەگرتن.
ژلایەكێ دیڤە حكومەتا هەرێما كوردستانێ ئەڤ رۆژ كریە بێنڤەدان حەموو دام و دەزگەهێن میری ل شێخان دگەل قایممقامێ شێخان مال مال دگەریان و جەژنا چارشەمبوویا سۆر پیرۆزدكرن ل مالێن مجێۆر و كەسایەتیێن ئێزدیا خەلكێ مە دلنیاببنە، سەرەرای ئەڤ دلخۆشی و سەربەرزیا ئێزدیاتیێ ل كوردستانا ئازاد ژی ڤەدگەرێت بۆ سەركەفتنێن پێشمەرگەی و شكەستنا داعش و سەرنەگرتنا هزرا وان یا گەنی و گەماروگرتی و پاشكەفتی ل كوردستانێ لاندكا پێكڤەژیانێ دگەل هندێ برایێن مە یێت بوسلمان ژبەر ڤێ چەندێ پەیامەك گەهاندە حەموو جیهانێ وتایبەت بوسلمانێن توندرەو كو كوردستان وارێ ئێزدیا یە،ودێ رێ و رەسمێن ئۆلی كەن سەربەرزی و دێ دپاراستی بن ، ژبەركو هەر ژ كەڤندا پێكڤەژیان ل كوردستانێ هەبوویە و دێ هەبت ب هەبوونا سەرۆك بارزانی هەلگرێ پەیاما ئاشتیێ و پێكڤەژیانێ ل كوردستانەكا ئازاد و سەربەخۆ.
تُتاح هذه الصورة أيضا في: کوردی