ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەهدی حەسەن:بخێربێن برایێن پەكەكێ‌ بۆ ناڤ رێزێن پێشمەرگەی

بخێربێن برایێن پەكەكێ‌ بۆ ناڤ رێزێن پێشمەرگەی
مەهدی حەسەن
پشتی روودانێن ڤێ‌ داویێ‌ ل شنگالێ‌ و تایبەت ئەڤا روودایی ل خانەسۆرێ‌ ،برایێن پەكەكە ئەڤێن ئۆل ئێزدی هێدی هێدی یێن ژ ڤێ‌ رێكخراوا چەكداری ڤەتقەتێن و رەڤدە رڤدە یێت گەهنە ناڤ رێزێن پێشمەرگەی ئەڤ چەندە ژی بوویە جهێ‌ دلخۆشیا خەلكێ‌ مە ، كەس ژ مە هەموویا نینە رێیا راست و دروست نزانت ، گۆمان نینە رێبازا پارتی و بارزانی رێبازا كوردایەتیا راستەقینەیە وپێشمەرگە باشترین زێرەڤان و بەرەڤانێ‌ ئاخ و وەلاتە، بەلێ‌ ئەگەر خیانەت و خۆفرۆشی و نوكەریا داگیركەرا بین دروستە دڤێت دژی پارتی و بارزانی بین و رێگربین بۆ هەر پێنگاڤەكا بێتە هاڤێتن بۆ ئاڤاكرنا دەولەتا كوردی ورزگاركرنا ئاخا كوردستانێ‌ ژ دەستێ‌ دوژمنا.

ئەڤ چەكدارێن دلسۆز و خەمخۆرێن ئێزدیاتیێ‌ ژ كچ و كورێن شنگالێ‌ دەمێ‌ چەكێ‌ شەرەفێ‌ هلگرتین ل رۆژا فەرمان ل سەر شنگالێ‌ و ئێزدیخانێ‌ قەومی،نە بۆ دژایەتیا پێشمەرگەهی بوو ئەڤ پێشمەرگەیی پتر ژ ٥٠٠ جانگۆری داین،بەلكی بۆ بەرەڤانیكرن ژ شەرەف و ناموسا مللەتێ‌ مە بوو،بەلێ‌ پەكەكێ‌ ل بن هەر ناڤەكی استغلالا كچ و خورتێن مە یێن دلشكەستی كرن و د سەردا برن و بەرێ‌ وان دانە رێیەكا شاشكرنا چەكدارێن یەپەژێ‌ سەر ب حەشدا شەعبی و پازدارێن ئیرانێ‌ و زەلامێن ئەسەدی دا رێگریێ‌ ل پێشمەرگەی بگرن وبەرێ‌ تڤەنگێن خۆ ب دەنە پێشمەرگەی،ل ڤێ‌ داویێ‌ ب بەهانەیا رێگری ل پێشمەرگێ‌ رۆژ بگرن د پیلانەكا دارێژتی دا ملێن وان دانە ملێن ئەرەبا و برنە سەر چەپەرێن پێشمەرگەهی و شەرێ‌ پێشمەرگەی كرن و د ئەنجامدا چەند كچ و كورێن ئێزدی بوونە قوربانی و شەهید بوون ، لەوا ڤان قارەمانێن تەڤلیبووی رێكخستنا پەكەكە و شەرڤانێن یەپەژە رۆژ بۆ رۆژێ‌ دئێنە ناڤ هێزا پێشمەرگەی و دان پێدانێ‌ ب سیاسەتا شاشا پەكەكێ‌ دكن و راشكاوانە ل سەر كەنالێن تلفزیۆنا دبێژن پەكەكێ‌ بەرێ‌ مە دابوو شەرێ‌ برا كوژیێ‌ و تێكدانا شنگالێ‌، لەوا مەد بەرژەوەندا دیت درێژێ‌ د چەكداریا خۆ دا بدەین دناڤ رێزێن پێشمەرگەڤی تەنها هێزا دێ‌ ئێزدیاتیێ‌ پارێزت و ناوچە ل سەر دەستێ‌ پێشمەرگەی دێ‌ ئارام و تەنا بت و دێ‌ ئێتە ئاڤاكرن،لەوا ژ هەر ئێزدییەكی دئێتە خواستن خۆ ژ ڤێ‌ رێكخراوا تیرۆرستی دوور بئێخت وب عەقلانە تەڤلی كارێ‌ چەكداری و سیاسی بت ئەگەر مەترسیێن مەزن دئێنە پێش،ژلایەكێ‌ دیڤە ئەگەر داعش كچ و ژنێن مە دەستەسەر كربن و كرین و فرۆتن پێ‌ كربت پەكەكە ژی یا كچ و زارۆكێن شنگالیا بێی دەیك و بابێن وان دبەنە قەندیلی،ئەڤ چەندە ژی بوویە جهێ‌ دلتەنگیا مللەتێ‌ مە ، شنگال باژارەكێ‌ كوردستانیە فەرماندەك مە هەیە ل شنگالێ‌ ب كچك مەزن ئێزدینە رێكخستن وئێكبوونا ئێزدیا فەرە دناڤ ڤێ‌ هێزا شنگالێ‌ دا بت و هەموو پشتەڤان بن نە رێگر بن،ژبەركو ئەڤە مرازا مە بۆ رۆژەكێ‌ مە فەرماندەكا ب ڤی رەنگی هەبت بۆ بەرەڤانیكرن ژ ئێزدیاتیێ‌ دووبارە بخێر بێن برایێن پەكەكێ‌ بۆ ناڤ رێزێن هێزا فەرماندەیا پێشمەرگەی وە بریار داینە ببن پێشمەرگە كو بوونا پێشمەرگەی پیرۆزترین ناڤێ‌ جیهانێ‌ وە بخۆ هەلبژارتی،پێشمەرگە پەیڤەكە د درێژیا مێژویێ‌ دا دناڤ مللەتێ‌ مە دا هاتییە ب كار ئینان تەعبیرەكا مەزنە كو هیچ پەیڤەكا دی جهێ‌ وێ‌ ناگرت كو پێشمەرگە جانێ‌ خۆ گیانێ‌ خۆ دانێتە سەر دەستێ‌ خۆ و بۆ مللەتێ‌ خۆ پێشكێش كن هەوە پیرۆزببت ل كەس و كارێن وە پیرۆزبت ل وێ‌ پارچا كوردستانێ‌ پیرۆزبت و ل شنگالا خۆراگر پیرۆزبت ل مە هەموویان پیرۆزبت.
ئەڤ رێیا هەوە هەلبژارتی هون د ساخ بن بۆ ڤێ‌ كوردستانێ‌ و خزمەتا نشتمانێ‌ خۆ پێ‌ بكن ، ژبەركو نشتمان و نەتەوا هەوە بەری هەموو تشتەكی دئێت،هون پێشمەرگەیێن چوو پارتا نینن هون پێشمەرگەیێن كوردستانێ‌ نە ، خودێ‌ نەكەت هەر چەندە ئەو ژی ب دەستێ‌ خودێ‌ یە و سەربلندیا هوون جانگۆری ژی بن دێ‌ بنە جانگۆریێن كوردستانێ‌ دێ‌ بنە جانگۆریێن مرۆڤایەتیێ‌، ئەوێ‌ مللەتێ‌ وی بن دەست بت بەری هەموویێ‌ تشتەكی دڤێت مللەتێ‌ خۆ رزگار كت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi