گەنجێن ئێزدی هەڤژینیێ دگەل كچێن رزگاربووی پێك دئینن
جیهان عەبۆ
پشتی كو دەڤەرا شنگالێ ل 3تەباخا 2014ێ كەفتیە دەستێ رێكخراوا تیرۆستی یا داعشێ كو خەلكێ شنگالێ راستی فەرمان و مالوێرانیەكا مەزن بوون،ژبلی ئە ڤە ژی كچ و ژن بوونە قوربانیێن مەزن ئەڤێ كارەساتێ، و هە تا نۆكە ژی لبن دەستێ تیرۆرستان دە راستی سڤكاتیكرنێ دبن،لەورا شنگال ب باژێرێ گرتنا كچ و ژنێن ئێزدی دئێتە ناسكرن.
هەتا نۆكە ژی پتریا كچ و ژنێن ئێزدیان لبن دەستێ ڤێ رێكخراوێ دە دژیانەكا زەحمەت دا دژین و د ئێش و ئازاران دە دنالن، رەگەزێ مێ هەردەم قوربانێ ئێكێ یە ل دەمێ ئالۆزی و شەر و نەخۆشیا و دبنە قوربانی ل سەرانسەری هە موو دونیایێ،لێ خێزان و كەس و كارێ ئەڤان كچ و ژنان هەردەم پیكۆلێ دكن كو وان ب دراڤی رزگار بكن خۆ هەكە بوونە قەرزدار و وان ژ مرنێ ڤەدگەرینن بۆ باوەشیا ژیانەكا نوو، و ل گۆری بریارا جڤاتا رۆحانیا ئێزدیان و بابێ شێخ هەر كچەك و ژنەكە ئازاد دبت ل دەست دبەینە لالشا نوورانی ل بەر دەنگێ دەف و شەبابا و ب ئاڤا كانیا سپی دئێتە مۆركرن و پاقژكرن و تەڤ جڤاكێ ئێزدی و ئێزدیخان رێز و حورمەتیەكا مەزن ددەتێ،چنكو ئە و بخۆ نەچووینە و زۆرداری ل وان هاتیە كرن، پشتی ئەڤ كچ و ژن سەربەست و رزگار دبن گەنج و لاوێن ئێزدی چ ل وەلات و دەرڤە ژی وان ل خۆ مار دكن و ژیانا هە ڤژینیێ دگەل وان پێك دئینن و ژیانەكا خۆش بۆ بەرهەڤ دكن و پێكڤە دچنە د هێلینا زێرین دا، دماوێ دوو سالا دە گەلەك ژ رزگاربوویان ژیانا هەڤژینیێ پێك ئینایە و هێشتا ئەڤ پرۆسە یا بەردەوامە،ب وێنە و ڤیدیۆ نیشانی و داوەتێن وان ل تۆرێن جڤاكی دا هاتینە بەلاڤكرن و گەلەك میدیایێن جیهانی ل دەزگەهێن خۆ یێن راگەهاندنێ و نڤیسینێ داوەتێن ب كۆم یێن ڤان كچ و كورێن ئێزدیخانێ یێن ژ دەستێ تیرۆرستێن داعش رزگاربووین بەلاڤكرینە و بەحسێ چاكی و زیرەكی یا وان كریە و دەست خۆشی ل وان لاوان كریە كو ئەڤ كچ و ژن ل خۆ ماركرین و د نەخۆشترین رۆژدا تنێ نەهێلاین.
ئەڤ كارێ پیرۆزێ گەنج و لاوێن ئێزدیان بەرامبەری كچێن رزگاربوویێن ئێزدی، بەرسڤەكە بۆ وان كەس و لایەن و مرۆڤان یێن دبێژن ئێزدی هەولا كوشتنا كچ و ژنێن خۆ یێن رزگاربووی ددەن،لێ هۆسا نینە و كەس نكارت راستیێ بگهۆرت،چنكو ئێزدیاتی ئۆلا ئاشتی و لێبۆرین و پێكڤەژیانێ یە و رێزێ ل بیر و بۆچۆنێن ژنێ دگرت.
تُتاح هذه الصورة أيضا في: کوردی