قەستكرنا گەنجا بۆ دەرڤەی وەلاتی ئاریشەكا مەترسیدارە
ئۆسامە فرج باعەدری
ئەڤ جڤاكێ نۆكە ئەم تێدا دژین هندەك ئەگەر كارتێكرنا خۆ لێ دكن كو تاكەكەسێن ڤی جڤاكی بێ هیڤی بن،گەنج هەموو جڤاكا ئاڤادكن ئەگەر هات و گەنج بێ ئۆمێد بوو بێ گۆمان جڤاك ژی دێ وەسان بت،ئەگەر ئەم بەحسا جڤاكێ خۆ بكەین گەنجێت مە گەلەك ژێ بێ هیڤی بووینە ژبەر شەرێن بەردەوام و ڤان قەیرانا و نەبوونا دراڤی و دەلیڤێن دەگمەن یێن كاری ئەڤ هەموو كارتێكرنا خۆ یا نەرێنی دئێختە سەر دەروونێ گەنجێ كورد كو باوەری ب باشبوونێ نەبت و بێ ئۆمێد بت و گەلەك جاری دێ قەستا ژ دەرڤەی وەلاتی كت.
گەنج هەموو جڤاكا ئاڤا دكت،ڤێچا فەرە ل سەر حكوومەتێ و دام و دەزگەهێن میری كو گرنگی بێتە دان ب ڤێ چینێ و گەنج ب خۆ ژی هەست ب ئێك و دوو بكن نە ئەگەر ئێك دەولەمەند بوو داخوازی و پێتڤیێن گەنجێن دی ژبیر بكت هەر وەكی گۆتنا ئەكتەرێ ئەمریكی یێ بناڤ و دەنگ ئارنۆلدی گۆتی دراڤ نابتە جهێ دلخۆشیا مرۆڤی نۆكە ئەز خودانێ خۆ و پێنچی ملیۆن دۆلاری مە،بەلێ یێ دلخۆش بووم دەما من بتنێ پێنچ دۆلار هەین و وەلاتێ من كار ژ بۆ خەلكێ خۆ پەیدادكر و نەدهێلا ببنە پەنابەر ل وەلاتێن خەلكێ دەما وەلات هەر ل بارێ جەنگی دا بت و كار نەبت و دراڤ نەبت بێ گۆمان دێ بخۆ ل ژیانەكا دی گەرێت،كو بتنێ بژیت بێ كو بگەهتە ئاستێ خۆشگوزەرانیێ و ئەو ژی دێ قەستا ژ دەرڤەی وەلاتی كت.
گاڤا گەنجا و چینا كرێكار قەستا ژ دەرڤە كر دێ چاوا وەلات ئاڤا بت , ئەڤ ئاریشەكا مەترسیدارە و دڤێت حكوومەت سەرەدەریێ ل گەل بكت ل گۆر سیستەم و پلانێن سالانە یێن دەولەتێ،داكو ڤان گەنجا هیڤیەكا گەش هەبت و مە ژی پاشەرۆژەكا باش هەبت .
تُتاح هذه الصورة أيضا في: کوردی
