رزگاربوویەکا ئێزدى تووشی نەخۆشیەکا سەیر بوویە
وشە/ کاروان باعەدری
“بێریڤان” ئافرەتەکا ٢٠ ساڵی یە و خەڵكا گوندی حەردانی یە یێ سەر بە باژارێ شنگالێ و ژیانا هەڤژینێی ل گەل کوڕەکی ب ناڤێ ”تەلال” خەلکی گوندێ تلقەسەبێ یێ سەر ب باژارێ شنگالێ پێکئینایە، ئەو کەفتبوونە دەستێ داعش، و پاشی ئەو ئافرەتە بەری هەڤژینێ خۆ ب سێ مەهان هاتە رزگاررن.
نزار شنگال گەنجەکی نێزیکی ڤێ مالباتێ یە تەمامیا چیرۆکا وان بۆ ”وشە” ڤەدگێریت و دبێژیت،”بێریڤان”ئەو ئافرەتەیە ل سێ هەیڤا هەشتا ٢٠١٤ێ لگەل هەڤژینێ خۆ ”تەلال”ی کەفتە دەستێ داعش و پشتی هنگی ب سێ هەیڤان ئەو ئافرەتەکە ل سوریا هاتە رزگارکرن، بەلێ هەتا نها هەڤژینێ وێ ددەست وان چەکداران دایە.
زێدەتر گۆت:” ئافرەت ب بەردەوامی دبێژیت” بتنێ گوستیلا من مایە” و نها بارێ وێ یێ ساخلەمیی نەیێ باشە و دبیژیت نەشیم بێ ”تەلال” بژیم.
نزار زیدەتر دبیژیت:” هەردەمێ بێریڤان گەنجان ل سەرێ کۆلانان دبینیت بێ رۆح دکەڤیت، یان ئەگەر وێنەیەکی هەڤژینێ خۆ دبینیت بێ روح دبیت، و دبێژیت:” دێ چاوا ”تەلال” نەیێ ل مالە، و چاوا ل گەل من ناژیت؟.
ئاماژە ددەت، نها بێریڤان لە كەمپا بێرسڤێ یە یێ سەر بە باژارێ زاخۆیە د جادرەکێ دایە، و و ساخلەمیا تێك چووە.
لە ٣ی ئابی ٢٠١٤ وەکی ئەڤرۆ جەکدارێن داعش دەست ب سەر باژارێ شنگالێ دا گرت و ب هەزاران کوردێن ئێزدی کوشتن و ئافرەت و زارۆک رەڤاندن، تا دوماهیکا ٢٠١٥ێ ئەو باژارە ژ لایێ هێزی پێسمەرگەیێ کوردستانێ هاتە رزگارکردن، هەتا نها ب سەدان وان رەڤاندیان هاتنە رزگارکردن.
تُتاح هذه الصورة أيضا في: کوردی
