ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هێزه‌كا تایبەتا ئەمریكا گەهشتە عێراقێ

هێزه‌كا تایبەتا ئەمریكا گەهشتە عێراقێ

وشه‌

سەرچاوەیەكی سەربازی عێراقی ئاشكرای كرد، ئەمڕۆ شەموو هێزێكی تایبەتی ئەمەریكا گەیشتنە بیابانەكانی باشووری شارۆكەی “ڕوتبە” و ئەركیان ڕێگریكردن دەبێ لە گەیشتنی كۆمەك و یارمەتی بە تیرۆریستانی داعش.
ئەو سەرچاوە سەربازییە ڕوونی كردەوە، هێزە تایبەتەكەی ئەمەریكا ئێستە گەیشتوونەتە بیابانی باشووری ڕوتبەی ڕۆژئاوای ئەنبار و لە ئاسمانەوە لەو ناوچەیە دابەزیون، ئامانجیان ڕێگریكردن دەبێ لە گەیشتنی چەك و هاوكاری بە تیرۆریستانی داعش.
ئاماژەی دا، ئەو سەربازە تایبەتانە لە دۆڵی قەزەفی باشووری ڕوتبەی 310 كیلۆمەتر ڕۆژئاوای شاری ڕومادی سەنتەری پارێزگای ئەنبار دابەزیون، هێزەكانی حەشدی شەعائیری لەو ناوچەیەن و ئەمەریكا پشتیوانیان دەكات، تا بە تەواوی ناوچەكە كۆنتڕۆڵ بكەن و ڕێگە بگرن لە هاتوچۆی تیرۆریستان و گەیشتنی هاوكاری و چەك لە نێو عێراقەوە بۆ تیرۆریستان.
شارۆكەی ڕوتبە لەسەر ڕێی سەرەكیی گەیشتنی بەغدایە بە سنوورەكانی سووریا و ئوردن، بە شوێنێكی ستراتیجی دادەنرێ، پێشبینی دەكرێ ئەو هەنگاوانەی ئەمەریكا بۆ ڕێگریی زیاتر بێ لە  میلیشیاكانی سەر بە ئێران، كە ماوەیەك پێش ئێستە لە ڕۆژئاوای مووسڵەوە گەیشتنە سنووری سووریا و میدیاكان باس لەوە دەكەن بۆ دروستكردنی هیلالی شیعی و پاراستنی ڕێڕەوێكی ئارام بۆ ئێران كار دەكەن و ناوچەی زیاتری سنوورەكانی ڕۆژئاوای عێراق داگیر بكەن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi