ئامینا زكری: مللهت دێ دژبهرێن رێفراندۆمێ سزا دهت
WAAR-دهۆک:
جێگرا سهرۆكێ فراكسیۆنا پارتی دیمۆكراتی كوردستان راگههاند؛ ئهو ئالییێن كهمپینان ل دژی ریفراندۆما سهرخوهبوونا ههرێمێ پێكدئینن، دێ تووشی سزایێ مللهتی بن.
د داخویانیهكێ دا، ئامینا زكری جێگرا سهرۆكێ فراكسیۆنا پارتی گۆت: هندهك ئالیێن ههرێمێ، ب هندهك بهانهیێن ساده و ساویلكانه كو عهقل و لۆژیك نهشێن وان بههانهیێن بچووك قهبوول بكهن، دهست ب دروستكرنا كهمپینان ل دژی ریفراندۆمێ كرینه كو پرسهكا مهزنا نهتهوهییه.
گۆت ژی: ئهو ب هیڤی نه كو ئهو كهس و ئالی، ڤهگهرنه سهر رییا راست و دگهل ئالیێن دی پشتهڤانیێ ل ریفراندۆمێ بكهن، ژبهركو ههر دهما بهێن درهنگ نینه، بهرۆڤاژی، گهر پشكداری ریفراندۆمێ نهبن و لدژ رابوهستن، دێ دادگهها مللهتی ب ئاوایهكێ دادپهروهرانه وان كهسان سزا دهت.
تُتاح هذه الصورة أيضا في: کوردی