فلمەك لسەر فەرمانا ئێزدیان ل شنگالێ هاتە چێكرن
تۆرا لالش یا راگەهاندنێ
فلمەك لسەر فەرمانا ئێزدیان ل شنگالێ كو نهۆ دقۆناغا مونتاژێ دایە هاتیە چێكرن، چیرۆكا وی بەحسێ كچەكا گرتیا ئێزدی د دەستێن تیرۆرستێن داعش دا دكت،ب رێیا ڤی فلمی زۆرداری و ستەمكاریا لسەر دەستێ داعش ل عێراقێ ل ئۆلا ئێزدی هاتیەكرن دێ نیشا جیهانێ ئێتە دان.
كچا ئەكتەرا ئێزدی(دێژین جەمیل) بۆ رۆژناما دەنگێ لالش راگەهاند،نووترین كارێ من فلمەكە لسەر فەرمانا شنگالێ یە و رۆلێ سەرەكی د فلمی دا دیتیە،چیرۆكا وی بەحسێ كچەكا گرتیا ئێزدی د دەستێن تیرۆرستێن داعش دایە و دئێتە رزگاركرن و پشتی رزگاربوونێ مینا كچەكا ب وێر و زیرەك دبمە شەرڤان دا خەلكێ خۆ رزگار بكەم ژ دەستێ تیرۆرستان،ئەڤ فلمە ژ ئالیێ گەنجێ ئێزدی(عادل عەبدو دەرباز) هاتیە چێكرن و كارێ مادی بخۆ ڤە گڕتیە و هندەك ئەكتەرێن بیانی و ئەمریكی د فلمی دا بەشداربوون، كارێ وێنەكرنێ ل دهۆكێ و گوندێن ئێزدیان و هندەك دەڤەرێن مووسل هاتیە كرن و ماوێ وی دەمژمێر و نیڤن و ژ كارێ وێنەگرتنێ ب داوی هاتیە و دقۆناغا مونتاژێ دایە، مەرەم ژێ زۆرداری و ستەمكاریا لسەر دەستێ داعش ل عێراقێ ل ئۆلا ئێزدی هاتیەكرن ب رێیا فلمان نیشا خەلكێ دیتر بدەین ،تاكو ئەڤ فەرمانە ئێزدیان وەكی فەرمانێن دی نێنە وونداكرن.
ئاماژە ب وێ چەندێ كر،ئەڤ فلمە دێ ل گەلەك وەلاتێن جیهانێ ئێتە نیشاندان و ل داهاتی دێ لسەر كەسێن پێتڤی بەلاڤ كەین.
تُتاح هذه الصورة أيضا في: کوردی