ژیانا ئاوارەیێن ئێزدی دكەمپان دا دكەتە چیرۆك
تۆرا لالش یا راگەهاندنێ
رۆژنامەڤانەكا ئێزدی ژیانا ئاوارەیێن ئێزدی یێن دكەمپان دا ئاكنجی دنڤیست و دكەتە چیرۆك،چەندین وێنێن چیرۆكی ل پارێزگەهێن هەولێر و سلێمانی و ل وەلاتێ ئیتالیا دپێشانگەهان دا پیشانداینە.
رۆژنامەڤانا كچا ئێزدی و شنگالێ(خەلودا خودێدا حەسەن) بۆ رۆژناما دەنگێ لالش گۆت:پشتی فەرمانا شنگالێ دگەل خێزانا خۆ ئاوارە بووم و نهۆ ژی ل كەمپا خانكێ دژیم،دناڤ كەمپێ دا خۆلەكا رۆژنامەڤانی ژ ئالیێ مامۆستا(شەیدا حوسەمی) بۆ كۆمەكا كچێن گەنج هاتە ڤەكرن،ئەز ژی ئێك ژ پشكداران بووم من كاری گەلەك چیرۆك لسەر ژیانا ئاوارەبوونێ ل كەمپێ بنڤیسم ژ وان ژی لسەرقۆناغێن ژیانێ و لسەر ژیانا ژنەكا رزگاربوویا دەستێن داعش لگەل سێ زارۆكێن وێ ل سلێمانیێ،دیسان ل پێشانگەها گلاوێش پێنج وێنێن من یێن چیرۆكی لسەر ژیانا ئاوارێن ئێزدی دناڤ كەمپێ دا هاتنە پیشاندان و خەلاتێ گلاوێش وەرگرت،هەروەسا دپێشانگەهەكێ دا هەفت وێنێن من یێن چیرۆكی ل هەولێرێ و ل وەلاتێ ئیتالیا هاتنە بەرچاڤكرن.
زێدەتر گۆت:ل پارێزگەها دهۆكێ پشكداری د كۆنگرەیەكێ رۆژنامەڤانی دا لگەل هندەك كەسێن ناڤ و دەنگ و دەست نیشانكری كر،لسەر وێنەیێن چیرۆكی لسەر ژیانا ئاواران ل كەمپا خانكێ.
تُتاح هذه الصورة أيضا في: کوردی