سترانبێژەكا ئێزدییا جۆرجیا پشكداریێ دبەرنامێ “كورد ئایدول”دا دكت
تۆرا لالش یا راگەهاندنێ/لقمان سلێمان
سترانبێژا ئێزدی”روزا زوزانی”بۆ(تۆرا لالش یا راگەهاندنێ)دیاركر:”بۆ جارا ئێكێ یە پشكداریێ دبەرنامێ كورد ئایدول دكەم وەك نوونەراتیا كوردێن جۆریا،پشتی هاتیمە دەست نیشانكرن ژ ناڤ دەهان سترانبێژان ل جۆرجیا،دگەل 142پشكداران من هەڤركی كر ژ هەردوو رەگەزان كو نوونەراتیا كوردستانا عێراقێ و سوریا و توركیا و ئیرانێ و جۆرجیا و ئەرمینیا دكرن،زێدەباری پشكداریا هندەك سترانبێژێن كورد ژ وەلاتێن ئەوروپی،هەڤركی دناڤبەرا مەدا هاتە كرن ب شێوێ قۆناغان و تێدا من گەلەك ستران پێشكێشكرن و ب تایبەت یێن فلكلۆری زێدەباری سترانەكێ ل سەر دەردەسەریێن شنگالێ”.
زوزانی زێدەتر گۆت:”ئەز گەهشتمە قۆناغێن داویێ دڤی بەرنامی دا دگەل 16پشكداران،قۆناغا داویێ دێ دەست پێ كت ژ بەرنامەی پشتی جەژنا سەرێ سالا ئێزدیان”.
ئاماژەكر ژی سەرەدانا من بۆ كوردستانێ وەك خەونەكێ یە و خەونا مەزن بگەهمە پلێن پێشیێ دڤێ بەریكانێ دا ژ بەرنامێ كورد ئایدول و سەرەدانا پەرستگەها لالش بكەم.
تُتاح هذه الصورة أيضا في: کوردی
