بەرێز”شێخ شامۆ”سوپاسیا خەلكێ كۆمەلگەها مەهەتێ دكت
تۆرا لالش یا راگەهاندنێ
بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ،سوپاسیا هەموو خەلكێ خۆراگرێ كۆمەلگەها مەهەتێ ب گشتی و تایبەت كەسانێن ئایینی كر ژبۆ رۆلێ وان یێ بەرز و نشتیمان پەروەری گێراین دهەوا سەركەفتنا پرۆسا ریفراندۆما سەربەخۆیا كوردستانێ.
ل رێككەفتی(٢٨/٩/٢٠١٧)ێ ل هۆلا لالش مەهەتێ نڤیسینگەها لالش مەهەتێ روونشتنەكا ڤەكری سازكر ،ب ئامادەبوونا ژمارەكا كەسایەتی و مجێور و كەسانێن ئایینی.
ل دەستپێكێ بخێرهاتنا مێڤانان هاتە كرن و رێزگرتن خۆلەكەكێ سەكنین بۆ گیانێ جانگۆریێن كورد و كوردستانێ و سەروەرێ وان بارزانیێ نەمر و كاك ئەدریسێ جوانەمەرگ ،ل پێرە دەست ب روونشتنێ هاتە كرن وبەرێز”مەدی حەسەن”بەرپرسێ نڤیسینگەها لالش مەهەتێ بناڤێ بەرێز”شێخ شامۆ”سەرۆكێ دەستەیا بلندا بنگەهێ لالش و دەستەیا نڤیسینگەها ناڤبری سوپاسیا هەموو خەلكێ خۆراگرێ كۆمەلگەها مەهەتێ ب گشتی و تایبەت كەسانێن ئایینی كر ژبۆ رۆلێ وان یێ بەرز و نشتیمان پەروەری گێراین دهەوا سەركەفتنا پرۆسا ریفراندۆما سەربەخۆیا كوردستانێ.
ژلایەكێ دی ڤە بەرپرسێ نڤیسینگەها لالش بەحسێ گرنگیا دەولەتا كوردستانێ و ئەنجامێن هاتینە راگەهاندن كر،نەخاسمە ل ڤان ناوچێن ڤەقەتیایی و تایبەت ئێزدیا رێژا پتر ژ ٩٠./. یا دەنگان ب بەلێ ئیناین جیێ خۆشحالیا مە هەموویان بوویە.
ل داویێ ئامادەبوویان سوپاسیا رێكخەرێن ڤێ روونشتنێ كرن و هەلویستێ كوردستانیەتا خۆ كو ب روح و گیان یێ لگەل هەبوونا دەولەتا كوردستانێ دووپات كرن.
تُتاح هذه الصورة أيضا في: کوردی