ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەستەیا بلندا بنگەهێ‌‌ لالش سێیەمین دیدارا لالش ئەنجام دا

شێخ شامۆ:ریفراندۆم دەلیڤەكا دیرۆكی یە بۆ خەلكێ‌ دەڤەرا باشیك و بەحزانێ‌
تۆرا لالش یا راگەهاندنێ‌/دهۆك
دەستەیا بلندا بنگەهێ‌‌ لالش یێ‌‌ رەوشەنبیری و كۆمەلایەتی ل دهۆكێ‌،ئیرۆ شەمبوویێ‌ 19تەباخا 2017ێ‌، ل هۆلا بنگەهی و ل دەمژمێر پێنجی ئێڤاری سێیەمین دیدارا لالش ل ژێر ناڤ و نیشانێ‌‌( باشیك و بەحزانێ‌‌ پشتی ئازادكرنێ‌…‌ئاستەنگی و بارودۆخێ‌‌ نها) ئەنجام دا.

ب ئامادەبوونا ژمارەكا كەسایەتیێن سیاسی و ئایینی وجڤاكی و رەوشەنبیری ومامۆستایان،سێیەمین دیدارا لالش ب چەند پەنەلێن جۆراو جۆر ب رێڤەچوو.

ل بەراهیێ‌ وەك رێزگرتن بۆ گیانێ‌ پاكێ‌ جانگۆریێن كورد و كوردستانێ‌ ئامادەبوویی خۆلەكەكێ‌ سەكنین،لدوڤ دا دیدارێ‌ دەست پێ‌ كر و بەرێز”شێخ شامۆ”ئەندامێ‌ پەرلەمانێ‌ كوردستانێ‌ و سەرۆكێ‌ دەستەیا بلندا بنگەهێ‌ لالش بخێرهاتنا ئامادەبوویان كر و پەیڤەك پێشكێشكر تێدا بەحسێ‌ دەڤەرا باشیك و بەحزانێ‌ كر و زیانا پێ‌ كەفتی ژ ئالیێ‌ مادی و ئابووری ڤە ژبەر دەست ب سەر داگرتنا داعشێ‌ بۆ دەڤەرێ‌ و تەكەز ل هەموویا دخزمەت و بەرژەوەندا دەڤەرێ‌ دا كر و ئاماژە ب رۆلێ‌ پێشمەرگەیێ‌ قارەمان دا بۆ رزگاركرنا دەڤەرێ‌ ب سەركردایەتیا سەرۆك”مەسعود بارزانی”،هەروەسا دووپات ل پرۆسا ریفراندۆما هەرێما كوردستانێ‌ كر كو بریارە ل 25ئەیلولا 2017ێ‌ بێتە ئەنجام دان كو دەلیڤەكا دیرۆكی یە بۆ خەلكێ‌ دەڤەرێ‌ بۆ دەنگدانێ‌ دبەرژەوەندا ریفراندۆمێ‌ دا و ڤەگەرن سەر باوەشا دەولەتا كوردستانێ‌.

پاش راپۆرتەك بۆ ماوێ‌ پێنج خۆلەكان لسەر چۆنا راگەهاندنا دەستەیا بلندا بنگەهێ‌ لالش بۆ باشیكێ‌ پشتی هاتیە رزگاركرن هاتە نیشاندان،كو تێدا زەرەر و زیانێن ب دەڤەرێ‌ كەفتین ب دكیۆمێنت دانە دیاركرن.

ل پێرە پەنەلا دووێ‌ یا دیدارێ‌ دەستپێكر و تێدا هەر ئێك ژ بەرێزان”عسمەت رەجەب”بەرپرسێ‌ لقێ‌ 14یێ‌ پارتی دیموكراتی كوردستان ل مووسلێ‌ و “عەبدولقادر شنگالی”جێگرێ‌ ئێكێ‌ یێ‌ پارێزگەرێ‌ نەینەوا و “زەنون یونس”رێڤەبەرێ‌ ناوچەداریا باشیكێ‌ و”خدر دوملی” نڤیسەر و ڤەكۆلەرێ‌ ئەكادیمی،هەر ئێكی ژ لایێ‌ خۆڤە بۆ ماوێ‌ 10خۆلەكان بەحسێ‌ باشیك و بەحزانێ‌‌ پشتی ئازادكرنێ‌ و چەند پرسێن دی یێن گرنگ ژوانا پرسێن سیاسی و ئێمناهیێ‌ و رۆلێ‌ پارتا دیموكراتی كوردستان بۆ بەرقراربوونا ئێمناهی و تەناهی و ئارامیێ‌ ل دەڤەرێ‌ و كاركرن لسەر دابینكرنا خزمەتكاریێن فەر و پاشەرۆژا دەڤەرێ‌ و بابەتێ‌ ریفراندۆمێ‌ و پێشنیارا پرۆژەیان و خزمەتكاریان و پرسا كارەب و ئاڤێ‌ و رێكارێن چارەسەركرنێ‌ و كاركرنا رێكخراوان ل ناوچەداریێ‌ و هەر تشتەكێ‌ گرێدایی ژیانا رۆژانە یا وەلاتیان كرن،زێدەباری چەند پرس و بابەتێن دی یێن گرنگ یێن گرێدایی ب رەوشا دەڤەرێ‌ ڤە.

پاش لیوا عەمید”یاسین “ئامرێ‌ لیوا هەفت شرۆڤەكرنەك دا سەر رۆلێ‌ پێشمەرگەیی بۆ پاراستنێ‌ لسەلا ئێمناهی و ئارامیا دەڤەرێ‌ و لسەر رزگاركرنا باشیك و بەحزانێ‌ ئاخڤی و رژدبوونا سەرۆك”مەسعود بارزانی”لسەر رزگاركرنا وێ‌ ب دەستێ‌ پێشمەرگەیێ‌ قارەمان.

ل داویا دیدارێ‌ ئامادەبوویان پێشنیار و هزر و بۆچۆن و پرسیارێن خۆ ئاراستە كرن و بەرسڤ لسەر هاتە دان.

بۆ زانین سێیەمین دیدار لالش ژبال رۆژنامەڤان”خدر خەلات” ڤە دهاتە برێڤەبرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi