ئاوارێن كۆمەلگەها شاریا داخوازا گهۆرینا خیڤەتان دكن
تۆرا لالش یا راگەهاندنێ
دۆرێن 25هەزار ئاواران ل دەرڤەی كەمپا شاریا ل ناڤ كۆمەلگەهێ و گوندێن دەورووبەر ڤە ئاكنجی نە،هەتا نهۆ چوو كارگێری بۆ رێڤەبرن و خزمەتكرنا وان نەهاتینە دانان،ئەڤە ماوێ چار سالانە خیڤەتێن وان بێ سەروبەربووینە و دخوازن بێنە گهۆرین.
سەبارەت رەوشا ڤان ئاواران،بەرپرسێ بنگەهێ لالش تایێ شاریا(دلگەش سەلیم)بۆ دەنگێ لالش خویاكر،ئاوارێن دەرڤەی كەمپا شاریا دژین ژمارا دگەهتە دۆرێن 25هەزار ئاواران و رەوشا وان تا رادەیەكی ب شێوەیەكێ گشتی یا باشە،پشتی روودانێن ئێمناهیێ یێن لڤێ داویێ ل شنگالێ چێبووین و نەبوونا خزمەتكاریان خێزانێن ئاوارە كێم ڤەدگەرنە سەر زێدێ خۆ و بێ هیڤی بووینە،دیسان نێزیكی 1400خیڤەتان ل دەرڤەی كەمپێ هاتینە ڤەدان و ئەڤە ماوێ چار سالایە دژیانا ئاوارەبوونێ دا و بێ سەروبەربووینە و پێتڤی یە بێنە گهۆرین و ئەگەر جیەك خۆ لێ بكەتە خودان دەرگەهێ مە وەك بنگەه ڤەكریە كو رێیان بۆ خۆشبكەین هاریكاریا ڤی خەلكی بكن و گۆت:((چوو كارگێری بۆ رێڤەبرنا كاروبارێن ڤان ئاواران نەهاتینە دانان كو خزمەتا وان بكن یان پەسەندەكێ بۆ وان چێكن بۆ هەر جیەكی)). ئەو یەك ژی راگەهاند،بەرێ نهۆ دەزگەهێ خێرخوازیێ بارزانی ئەرزاق ددا ڤان ئاواران،لێ پشتی چۆنا دەزگەهی رێكخراوەك هاتیە گەلەك ناڤێن وان ئیناینە دەرێ و سەر ڤی سیتەمی دبەردەوامن،ژسەرجەمێ چار هەزار و 500خێزانا مە هەبن ل دەرڤەی كەمپێ باوەرم تەنها 1800خێزان ژ وان ئەرزاقی وەردگرن و ئەڤێن دی بێ بەهرن.
هەروەسا گۆت:پرۆژەیان بۆ رێكخراوان ڤرێ دكەین،داكو هاریكاریا ئاوارێن كۆمەلگەهێ بكن دبیاڤێن جودا جودا.
تُتاح هذه الصورة أيضا في: کوردی
