“ریفراندۆم تاكە چارەسەرییە كوردێن ئێزدی ژ فەرمانان قورتالبن”
راپۆرت:ئیڤان حەجی
ریفراندۆما هەرێما كوردستانێ كو ل رێككەفتی( 25/9/2017)ێ دێ ئێتە ئەنجامدان كو دەڤەرێن دەرڤەی هەرێمێ ژی بەردكەڤن،كەسایەتی و چالاكڤانێن ئێزدی دووپات دكن كو بەرپرسیارەتیەكا دیرۆكی دكەڤە سەرملێن مە كوردێن ئێزدی ل ئاستێ بەرپرسیارەتی و قوربانیدان و رەسەناتیا خۆ بن ل گۆر وێ پەیاما بەردەوام سەرۆك بارزانی ژمەرا دشینە دبێژە دەما ریفراندۆم هات بریار بریارا وەیە گەرەكە ئەم لگۆر وێ بریارێ بریارا خۆ بدەن و ژ ڤێ رەوشا هەلاویستی قورتالبن و ئەم بێژن بەلێ كوردستان،پشت راستین خەلكێ مە iەموو بچنە سەر سندۆقێن دەنگدانێ و ب بەلێ دەنگی بدەن،چنكو ریفراندۆم تاكە چارەسەرییە ژ فەرمانێن داگیركەران قورتالببن.
سەرۆكێ دەستەیا بلندا بنگەهێ لالش ل دهۆكێ(شێخ شامۆ)دیاركر،بریارا ریفراندۆمێ ب بریارا سەرۆك بارزانی وئامادەبوونا لایەنێن سیاسی هاتە دان،دێ ریفراندوم بۆ هەموو كوردستانێ ئێتە ئەنجام دان و دەرفەتەكا زێرینە بۆ هەموو كوردان،ریفراندۆما هەرێمێ بریارەكا هەرە دلخۆشكەرە بۆ كوردستانێ و ب تایبەتی بۆ كوردێن ئێزدی،چنكو دەڤەرێن دەرڤەی هەرێمێ ژی بەردكەڤن بەرپرسیارەتیەكا دیرۆكی دكەڤە سەرملێن مە كوردێن ئێزدی ل وان دەڤەرا رۆژا( 25/9/2017)ێ ئەم ل ئاستێ بەرپرسیارەتی و قوربانیدان و رەسەناتیا خۆ بن ل گۆر وێ پەیاما بەردەوام سەرۆك بارزانی ژمەرا دشینە دبێژە دەما ریفراندۆم هات بریار بریارا وەیە گەرەكە ئەم لگۆر وێ بریارێ بریارا خۆ بدەن و ژ ڤێ رەوشا هەلاویستی خلاس بن ئەم بێژن بەلێ كوردستان بەسە ژ تەپەسەریێ و تەعریبكرنێ و بن دەستیێ و مالوێرانیێ،بنگەهێ لالش دێ ل رێزا پێشیێ ل ناڤ خەلكێ خۆ كار كت ژبۆ پرۆسسا ریفراندۆمێ.
چالاكڤان(كاوە عیدۆ)دبێژت:تشتێ هەری گرنگ بۆ دەشتا نەینەوا ریفراندۆمە و گرنگیا وێ ژبەركو ئەڤە چەندین سالە ئەم دناڤ ململانێن سیاسی و ئابوری و رەوشەنبیری و هزری دا دەرباز دبن،لەوما بەلكو ئەم ب ئێكجاری ژڤێ ململانێ رزگارببن و ببنە سەر ب هەرێما كوردستانێ ڤە و خەلكێ دەڤەرێ ژی هەستێ كوردایەتیێ ل جەم وان هەیە ،هەروەسا بەشداری دناڤا شۆرەشێن كوردی دا كرینە و گەلەك كەیفا خەلكێ مە هاتیە وئەم پشت راستن كو خەلكێ مە دێ دەنگی ب بەلێ دەن،دیسان ژی هندەك كێماسی هەنە ل دەڤەرا مە وەكو ڤێ داویێ هاتی راگەهاندن پارێزگەهەك دێ بۆ دەشتا نەینەوا و ئێك بۆ دەڤەرا حەمدانیە و ئێك بۆ شنگالێ بت ،دڤێت ئەم كوردێن ئێزدی بێ بەهر نەبن راستە ئەم كوردن بەلێ ژ ئالیێ ئایینی ڤە مە تایبەتمەندیا خۆ هەبتن وەكو كورسیكێن هەرسێ جڤاتا و دیسان جڤاتا پارێزگەها دهۆكێ و كورسیكێن پەرلەمانێ كوردستانێ ژی دەنگێ ئێزدیان تێدا هەبن.
ژلایێ خۆڤە بەرپرسێ بنگەهێ لالش تایێ شێخان(ئازاد موراد)تەكەزكر كو هەر ژ دەمێ سەرۆكێ هەرێما كوردستانێ بریارا ریفراندۆمێ دایی،مە وەك بنگەهێ لالش دگەل نڤیسینگەهێن خۆ چەندین دانوستاندن و رونشتنێن ڤەكری و سەرەدانا مالان كریە دناڤ خەلكێ خۆ دا سەبارەت بابەتی، نۆكە ژی ئەم یێ بەردەوامن ل سەر چالاكیا و مە خەلكێ خۆ هاندایە ل رۆژا ریفراندۆمێ هەموو بچنە سەر سندۆقێن دەنگدانێ و دەنگ ب بەلێ بدەن،ئەم وەك خەلكێ شێخان 100 % دگەل ریفراندۆمێ و دەولەتبوون و سەربەخۆبوونا كوردستانێ نە،هەروەسا مە وەك خەلكێ شێخان دڤێت پشتی سەربەخۆبوونێ ژی پتر چاڤێ خۆ بدەنە دەڤەرێ،چنكو گەلەك قوربانیداینە ژ شۆرەشان دا ژ پێخەمەت ئاخا كوردستانێ ژلایێ حكومەتا بەعسا عێراقێ یا ژناڤچووی ،دیسان دخوازین قەزا شێخان ژی ببتە پارێزگەه و ناوچەداری و كۆمەلگەهێن ب سەر ڤە ببنە قەزا و ناوچەداری.
هەروەسا بەرپرسێ لژنا پارتی دیموكراتی كوردستان ل ناوچەداریا باشیكێ(ئدریس خاموكا)گۆت: دەمێ ریفراندۆم دئێتە ئەنجام دان ل وێ باوەریێ دامە پتر ژ 90% ژ خەلكی باشیك و بارزان دگەل دانە ریفراندۆم بێتە كرن و دگەل دانە بێنە سەر ب هەرێما كوردستانێ ڤە،چنكو ریفراندۆم تاكە چارەسەریە وان خەلكێ كێم ئایینە ل عێراقێ و هەرێما كوردستانێ و ب تایبەت بۆ مە كوردێن ئێزدی دا ژ قر و زولم و زۆرداری و فەرمانێن داگیركەران خلاس بن،چنكو یا ب سەرێ ئێزدیان هاتی هەر ژ فەرمانێن كەڤن و هەتا فەرمانا 74ێ ژی ل سەر دەستێ ئەرەب و فارس و توركا هاتینە سەرێ مەیە،لەوا سەربەخۆبوونا كوردستانێ دێ دیاریەك مەزن بت ژبۆ ئێزدیان.
تُتاح هذه الصورة أيضا في: کوردی
