بنگەهێ لالش هێرشا ل سەر شنگالێ رسوا دکت وداخوازێ ژ پەکەکێ دکت پێداچوونێ د هەلویستێ خۆدا بکت
ب دلگرانیەکا مەزن دەنگوباسێ هێرشا ئەسمانی یا فرۆکێن شەریێن تورکیا لسەر چیایێ شنگالێ گەهشتە مە و بوویە سەدەما گرانییا برینا چیایێ شنگالێ یێ کو د بنیاتدا بریندار ، وئێشێن وی زێدەترکرین . ئەم ب تووند ڤێ هێرشێ رسوا و شەرمەزاردکین ، داخوازێ ژ ئالیێ تورکی دکین وێ چەندێ لبەرچاڤ وەرگرت کو 10 هەزار خێزانێن ئاکنجی هە نە ل چیایێ شنگالێ ، و ب هەزارا هێزێن پێشمەرگەی هەنە ل چیایێ شنگالێ ودەردۆرێن وی ژبۆ بجهئینانا ئەرکێن خۆیێن نەتەوەی و نیشتمانی ، داکوکییێ دکین کو چیایێ شنگالێ وخەلکێ شنگالێ زێدەتر نکارن خۆ لبەر شەر وهەڤرکیان بگرن ، وژێدەرێن نە ئارامیێ یێن نوو ژبەر هەبوونا هێزێن پەکەکێ یە کو پێدڤییە لسەر سەرکردایەتیێن وان پێداچوونەکا باش د هەلویستێن خۆدا بکن و بزانن هەبوونا وان ل شنگالێ وچیایێ وێ بوویە بارگرانییەک لسەر خەلکێ شنگالێ، و ئاماژێ دکین کو هەمی ئاراستەیێن نافخۆی وهەرێمایەتی و نێڤ دەولەتی ، دووپات دکن کو هێزێن پەکەکێ چوو جی و وار ل شنگالێ نینە ،و خۆ ڤەکێشان ژ شنگالێ و زڤرین بۆ دەڤەرێن ژێ هاتین تاکە هەلبژادێ وانە ، ولسەر وان پێدڤییە رێزێ بگرن ل ڤیانێن نافخۆی و هەرێمایەتی ونێڤ دەولەتی ، داکو دەلیڤێ بەرفرە بکن همبەر زڤراندنا خەلکێ شنگالێ بۆ دەڤەر وگوندێن وان ، و پێخمەتی وێ چەندێ رێکخراوێن مرۆڤایەتی دەست ب پێشکێش کرنا پشتەڤانییا پێدڤی بۆ خەلکێ مە بکت ژبۆ دووبارە ئاکنجیکرنا وان ل ئەردێ باب وباپیرێن وان ، ویا ژ ڤێ هەمییێ گرنگتر ئەوە ڤەکرنا رێکێ لهمبەر بزاڤا ئاڤەدانکرنێ یا کو شنگالێ پێدڤییاتی پێ هەی ژ هەر تشتەکی دیتر .
و ئاماژێ ددەین کو هەبوونا هێزێن پەکەکێ ل شنگالێ ئاستەنگن لهمبەر ئاواتێن گەلێ کورد ژبۆ وەرگرتنا مافێ چارەنڤیسێ خۆ ل دەڤەرێن کوردستانی یێن دەرڤەی هەرێمێ ،و دەرفەتێ ددەتن ژبۆ هاتنا ئەجندا و هێزێن هەرێمایەتی کو هیچ ئالییەک ژێ زەرەرمەند نابت ژبلی گەلێ کوردستانێ ب شێوەکی گشتی ، وئێزدی ل چیایێ سنگالێ ب شێوەکی تایبەت .. دلۆڤانی بۆ شەهیدێن پێشمەرگا وچاکبوونە ڤە بۆ بریندارێن وان .
دەستەکا بلندا بنگەهێ لالش
دهۆک 25 ـ4ـ2017
تُتاح هذه الصورة أيضا في: کوردی
