شێخ شامۆ:ئەم دگەل چێكرنا پارێزگەها دەشتا نەینەوا نە سەر ب هەرێما كوردستانێ ڤە بت
تۆرا لالش یا راگەهاندنێ
ئیرۆ رۆژا چارشەمبوویێ 5/10/2016ێ،بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی وئەندامێ پەرلەمانێ كوردستانێ ب هاریكاری و هەماهەنگی دگەل بەرێز”ئەدریس عەلی خامۆكا”بەرپرسێ لژنا ناڤخۆیا باشیك یا پارتی دیموكراتی كوردستان،سەرۆكاتیا شاندەكێ مەزن كر ژ ئەندامێن دەستەیا بلند یا بنگەهێ لالش و تەڤایا تایی و نڤیسینگەهێن لالش سەرەدانا هێزێن پێشمەرگەیێن قەهرەمان كرن ل بەرەیێ باشیكێ.
ل بارەگایێ لیوا(7)شاندێ ناڤهاتی ب گەرمی هاتە پێشوازیكرن ژلایێ بەرێز عەمید”بەهرم عریف یاسین”فەرماندێ لیوایێ و تەڤایا ئەفسەرو پلەدار و پێشمەرگەیێن قەهرەمان ڤە، پشتی هنگی شاند بەرەف دیدارا بەرێز”حەمید ئەفەندی”بەرپرسێ بەرەیێ باشیكێ ڤە چوون و ب هەمان جۆش و گەرمی هاتنە پێشوازیكرن، ب ئامادەبوونا بەرێز عەمید”سەید جەواد” فەرماندێ لیوا (12) و تەڤایا ئەفسەرو فەرماندێن بەرەیی ڤە.
هەروەسا شاندێ ناڤهاتی سەرەدانا بارەگایێ لژنا ناڤخۆیا باشیكێ كر یا پارتی دیموكراتی كوردستان و ئەڤ سەرەدانە ب داوی هات ل رێڤەبەریا ئاسایشا باشیكێ ل جهێ وان یێ بەروەخت،شاند هاتە پێشوازیكرن ژلایێ بەرێز عەقید”حكمت كۆچەر”رێڤەبەرێ فەرمانگەهێ.
بەرێز”شێخ شامۆ” دچارچۆڤێ سەرەدانێن خۆ ل هەموو بەرۆكێن شەری دا ئاخڤی و گۆت:” ئەم ئیرۆ ل ناڤ وەدا دئامادەنە و دگەل نێزیكبوونا ئۆپەراسیۆنێت ئازادكرنا باشیك و بەحزانێ و دەڤەرێن دی یێن دەشتا نەینەوا ، دئاخفتنا خۆ دا ئاماژە ب رۆلێ هێزێن پیشمەرگەیێن قەهرەمان دا ل بەرگریكرنا ئەردو ئاخا كوردستانێ ب سەركردایەتیا سەرۆك “مسعود بارزانی” ب دیدەڤانیا وان قوربانیێن مەزن پێشكێشكرین دشەرێ خۆ یێ ل دژی رێكخراوا تیرۆرستییا داعش ، هەروەسا دووپاتكر كو ئەم وەكو كوردێن ئێزدی ل دەڤەرێن ڤەقەتیایی مە هیچ هلبژاردەیەكێ دی نینە ژبلی ڤەگەریان بۆ سەر هەرێما كوردستانێ ل ژێر سەركردایەتیا سەرۆك “مسعود بارزانی” و لبن سیبەرا هێما و ئالایێ كوردستانێ.”
هەروەسا”شێخ شامۆ”دئاخفتنێن خۆ دا بەحسێ پاشەرۆژا باشیك و بەحزانێ كر ل پشتی ئازادكرنا نەینەوا كا دێ كاودان بەرەف كێدرێ چن و ناڤەرۆك ب تەڤای هاتە گەنگەشەكرن،گۆتژی چ هێز نائێنە قەبوولكرن ل سەر ئەردێ ژبلی هێزا پێشمەرگەی و ئەم دگەل چێكرنا پارێزگەها دەشتا نەینەوا نە و ئەڤ پارێزگەهە سەر ب هەرێما كوردستانێ ڤە بت.
ژلایێ خۆڤە بەرێزان فەرماندێ لیوایێ و بەرپرسێ بەرەیی و كەرتێن دی گەلەك دلخۆش و شادبوون بڤێ سەرەدانێ و گۆتن ،ئەم ڕۆلێ بنگەهێ لالش ب بلندی دنرخینن و هەلویست و پالپشتیا وی بۆ پێشمەرگەی و پشتەڤانیا وی بۆ تەڤایا دۆزێن نەتەوەیی.
بەرێز”شیخ شامۆ” پەیڤا خۆ ب داوی ئینا ل هەموو بەرەیان و دیاركر ئەم ل بەرامبەری قۆناغەكا نوونە ل دەمەكێ نێزیك خەونا مللەتێ كورد دێ ئێتە بجهئینان،ژبۆ راگەهاندنا دەولەتا وێ یا سەربەخۆ.
دپەراوێزا ڤێ سەرەدانێ دا هەروەسا سەرەدانا بنگەهێ پۆلیسێن باشیكێ ژی هاتەدان.
تُتاح هذه الصورة أيضا في: کوردی
